დავით ბაქრაძე და დავით უსუფაშვილი ერთად შეთანხმებულად მუშაობენ - მიხეილ სააკაშვილი

ორშაბათი, 25 მარტი, 2013 - 18:55

საერთო სასამართლოების შესახებ კანონი არის სასიცოცხლო მნიშვნელობის ქართული დემოკრატიისთვის. როგორიც არის, იმ ფორმით თუ ძალით გაიტანეს, მაშინ საქართველოში სამუდამოდ უნდა დავემშვიდობოთ თავისუფალი სასამართლოს იდეასაც კი, - განაცხადა საქართველოს პრეზიდენტმა მიხეილ სააკაშვილმა 

პრეზიდენტის თქმით, წლების მუშაობის შედეგად და არჩევნების შედეგად გაჩნდა შანსი, რომ საქართველოში მოქალაქეები იყვნენ დაცული თავისუფალი სასამართლოთი და ახლა ამის მოკვლის დრო არ არის.

სააკაშვილის განცხადებით, კანონი საერთო სასამართლოების შესახებ თუ ამ ფორმით იქნება მიღებული, საქართველო ვილნიუსის სამიტზე ევროპულ პერსპექტივას დაემშვიდობება.

პრეზიდენტი აღნიშნავს, რომ სასამართლოს თავისუფლება ყველა პარტიის ინტერესებში უნდა იყოს და  საერთო სასამართლოების შესახებ კანონში შესატან ცვლილებებთან დაკავშირებით აცხადებს, რომ კანონი პარტიებმა შეთანხმების საფუძველზე უნდა მიიღონ და მზად არის, საჭიროების შემთხვევაში, თვითონაც აქტიურად ჩაერთოს პროცესში.

მისივე თქმით, დავით ბაქრაძე და დავით უსუფაშვილი ერთად შეთანხმებულად მუშაობენ.

"მას შემდეგ რაც ჩვენ შევთანხმდით კონსტიტუციის არა მხოლოდ შინაარსზე, არამედ პროცედურის ფორმაზე, რაც მართლაც მისასალმებელი მოვლენა იყო პარლამენტში, კარგი იქნებოდა, რომ სხვა ძალიან მნიშვნელოვან კანონებზე იგივე გაგრძელდეს. უნდა შევთანხმდეთ იმაზე, რაც არის ვენეციის კომისიაში  გაწერილი", - აღნიშნა სააკაშვილმა. 

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5