ბიძინა ივანიშვილი სამების საკათედრო ტაძარში სამადლობელ პარაკლისს დაესწრო

ორშაბათი, 25 მარტი, 2013 - 14:18

საქართველოს პრემიერ-მინისტრი ბიძინა ივანიშვილი სამების საკათედრო ტაძარში საქართველოს მართლმადიდებელი ეკლესიის ავტოკეფალიის აღდგენის დღესთან დაკავშირებით აღვლენილ სამადლობელ პარაკლისს დაესწრო.

 სამადლობელი პარაკლისი საქართველოს კათოლიკოს-პატრიარქმა, უწმიდესმა და უნეტარესმა ილია მეორემ აღავლინა.

"დღეს არის განსაკუთრებული დღესასწაული,  1917 წლის 25 მარტს იყო აღდგენილი ავტოკეფალია საქართველოს მართლმადიდებელი ეკლესიისა. ყოველ ჩვენთაგნს ბევრი გვიფიქრია, ვინ ვიქნებოდით ჩვენ, რომ ქრისტიანობა არ ყოფილიყო ჩვენი საფუძველი. ჩვენი კულტურა, ლიტერატურა, ფილოსოფია ეყრდნობა მართლმადიდებელ სარწმუნოებას - ქრისტიანობას", - ბრძანა უწმიდესმა ქადაგებისას.

სამების საკათედრო ტაძარში სამადლობელ პარაკლისს პრემიერ–მინისტრი ბიძინა ივანიშვილი მთავრობის სხვა წევრებთან ერთად დაესწრო.

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.49
  • 2.93
  • 3.28
  • 0.04
  • 0.68
  • 1.46