პარლამენტმა საკონსტიტუციო ცვლილებები II მოსმენით ერთხმად დაამტკიცა

პარასკევი, 22 მარტი, 2013 - 17:25

123 არც ერთის წინააღმდეგ -  საქართველოს პარლამენტმა საკონსტიტუციო ცვლილებები II მოსმენით მიიღო. კენჭისსყრა ქუთაისის საკანონმდებლო ორგანოში რამდენიმე წუთის წინ შედგა.

პროექტის თანახმად, საქართველოს პარლამენტის დათხოვნის შეუძლებლობის ერთ-ერთ საფუძვლად, ნაცვლად საქართველოს პრეზიდენტის უფლებამოსილების ვადის ბოლო 6 თვისა, საქართველოს პრეზიდენტის უფლებამოსილების ვადის ამოწურვის კალენდარული წლის მაისის თვიდან ახალარჩეული პრეზიდენტის მიერ ფიცის დადებამდე პერიოდი განისაზღვრება. ამასთან ერთად ახალი მთავრობისთვის ნდობის გამოცხადებამდე მთავრობის მოვალეობის შესრულება გადამდგარი ან გადაყენებულ მთავრობის მოვალეობად განისაზღვრა.

ცვლილების თანახმად, საქართველოს მთავრობისა და სამთავრობო პროგრამისათვის ზედიზედ სამჯერ ნდობის გამოუცხადებლობის შემთხვევაში, თუკი არსებობს პარლამენტის დათხოვნის შეუძლებლობის კონსტიტუციით გათვალისწინებული გარემოებები, პრეზიდენტი უფლებამოსილია პარლამენტი შესაბამისი გარემოების ამოწურვიდან 3 დღის ვადაში დაითხოვოს.

საქართველოს პარლამენტი საკონსტიტუციო ცვლილებების მესამე მოსმენით განხილვის რიგგარეშე სხდომის ჩატარების თხოვნით პრეზიდენტს მიმართავს.

 კანონში შეტანილი ცვლილებები გამოქვეყნებისთანავე ძალაში შევა.

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5