სოფლის მეურნეობის პროგრამა შინაარსობრივადაც და მენეჯმენტის მხრივაც დასახვეწია - ანდრო ბარნოვი

პარასკევი, 22 მარტი, 2013 - 16:47

გორის რაიონის სოფელ ძევერაში ადგილობრივმა მოსახლეობამ აქცია მოაწყო. ხალხი სოფლის მეურნეობის დანიშნულების ბარათების განაწილებაში არსებულ პრობლემებს აპროტესტებდა და აცხადებდა, რომ სოფლის მოსახლეობის ნაწილს ვაუჩერი საერთოდ არ მიუღია, უმრავლესობა კი მათი კუთვნილი მიწის ფართობების არასწორი აღრიცხვის გამო დაზარალდა და მინიმალურთანხიანი ბარათები მიიღეს. აქციის მონაწილეებთან შიდა ქართლის გუბერნატორი ანდრო ბარნოვი ჩავიოდა და მათი პრობლემები მოისმინა. ადგილზე იმყოფებოდნენ გორის მუნიციპალიტეტის გამგეობის თანამშრომლებიც. გუბერნატორის თქმით ბარათების დარიგებაში გაუგებრობა გამოიწვია სოფლის მეურნეობის პროგრამის ნაჩქარევმა განხორციელებამ, რის შესახებაც ის ჟერ კიდევ თვენახევრის წინ საუბრობდა.

"ძალიან სამწუხაროა, რომ ის რაც მე ვთქვი თვენახევრის წინ, აღმოჩნდა რეალობა, ვგულისხმობ იმას, რომ სოფლის მეურნეობის პროგრამა შინაასრობრივადაც და მენეჯმენტის მხრივაც არის დასახვეწი. სრულიად არეულია სიები, მიწების აღრიცხვიანობა, ბევრ სოფელში ნახევარი მოსახლეობა არაა სიაში, ძევერაში კი შევხვდი ხალხს რომელსაც აქვს 2-3 ჰექტარი მიწის ფართობი და რეალურად მისცეს 20 მეასადის ვაუჩერი. ხელისუფლებს შევახსენებ, რომ პირობებს უნდა შესრულება და მოვუწოდებ, ენერგიულად შეუდგნენ წინასააარჩევნო დაპირებების შესრულებას. ხალხი ელოდება მათ. საშემოდგომო ხვნა ფაქტიურად ამ ლოდინში ჩავარდა და ახლა საგაზაფხულო სამუშაოებიც თუ ვერ შესრულდა, ეს ხალხი ფაქტიურად დარჩება მშიერი და პასუხისმგებლობა ეკისრება დღევანდელ ხელისუფლებას. აქ არიან გამგეობის წარმომადგენლები, რომლებმაც მითხრეს, რომ პრემიერის სახელზე უკვე გაიგზავნა წერილი და გვპირდებიან, რომ უმოკლეს ვადაში მოგვარდება ეს პრობლემა. თუ ეს დაპირება მართლა შესრულდება, ხალხთან ერთად მეც მოხარული ვიქნები. თუ არადა, პირობას გაძლევთ, რომ ამ ხალხთან ერთად ჩავალ პირდაპირ მინისტრის კაბინეტში და შეიძლება სხვა კაბინეტებშიც და პასუხს მოვითხოვთ“, -  განაცხადა ანდრო ბარნოვმა.

 

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.49
  • 2.93
  • 3.28
  • 0.04
  • 0.68
  • 1.46