სააპელაციო სასამართლოს მოსამართლე აშშ საელჩოს თანამშრომელზე ზეწოლას ახორციელებდა

ხუთშაბათი, 21 მარტი, 2013 - 18:54

თბილისის სააპელაციო სასამართლოში დღეს დაიწყო თბილისის საქალაქო სასამართლოს უკანონოდ გათავისუფლებული მანდატურების სააპელაციო საჩივრის განხილვა. გათავისუფლებულ მანდატურებს "უფლებადამცველთა გაერთიანება’’ იცავს.

როგორც "უფლებადამცველთა გაერთიანების’’ თავმჯდომარემ ნიკოლოზ მჟავანაძემ განაცხადა, პროცესზე სააპელაციო საქმეთა პალატის მოსამართლემ ლეილა მამულაშვილს მცდელობა ჰქონდა აშშ-ს საელჩოს სასამართლო მონიტორინგის ხელმძღვალს ანი მორგოშიას არ მოეხდინა სხდომის მიმდინარეობა კალმით ჩაეწერა, რასაც ნიკოლოზ მჟავანაძის პროტესტი მოჰყვა.

ასევე, მჟავანაძის განცხადებით, პროცესზე ლეილა მამულაშვილი სასამართლოს მანდატურს თამაზ სარალიძეს არ აძლევდა საშუალებას მკაფიოდ ჩამოეყალიბებინა თავისი პოზიცია სასამართლოს პოლიტიზირებასთან დაკავშირებით და მას რამდენჯერმე შეაწყვეტინა აზრის გამოთქმა, რაც ასევე გაპროტესტებული იქნა.

"უფლებადამცველთა გაერთიანების’’ თავმჯდომარის ნიკოლოზ მჟავანაძის განცხადებით მოსამართლე Lლეილა მამულაშვილს უფლება არ ჰქონდა აშშ-ს საელჩოს თანამშრომლისთვის მოეთხოვა სასამართლოს სხდომის ჩაწერის აკრძალვა. მისი ქმედება ეწინააღმდეგება ,,საერთო სასამართლოების შესახებ’’ კანონის 12-მუხლის მეოთხე ნაწილს. ამასთანავე, მისივე თქმით, ის არ აძლევდა საშუალებას დაცვის ქვეშ მყოფს პოზიცია მკაფიოდ ჩამოეყალიბებინა.

ნიკოლოზ მჟავანაძე არ გამორიცხავს, რომ შემდგომ სხდომაზე მოსამართლის აცილების საკითხი დააყენონ.

შემდეგი სხდომა სააპელაციო სასამართლოში 28 მარტს 13 საათზე განახლდება.

 

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.49
  • 2.93
  • 3.28
  • 0.04
  • 0.68
  • 1.46