მესაზღვრეებს პროფესიულ დღეს პირადად შინაგან საქმეთა მინისტრი მიულოცავს

ოთხშაბათი, 20 მარტი, 2013 - 20:33

მესაზღვრეების პროფესიული დღისადმი მიძღვნილი ღონისძიება წითელ ხიდზე, სასაზღვრო პოლიციის მე–3 სამმართველოში ხვალ, 12 საათზე გაიმართება. მესაზღვრეებს პროფესიულ დღეს პირადად შინაგან საქმეთა მინისტრი ირაკლი ღარიბაშვილი მიულოცავს.

მოწვეულ სტუმრებს შორის იქნებიან: ამერიკის შეერთებული შტატების საელჩოს წარმომადგენლები, ავსტრიის შინაგან საქმეთა სამინისტროს ოფიციალური პირები, ასევე ევროკავშირის, გაეროს განვითარების, მიგრაციის საერთაშორისო ორგანიზაციის და საქართველოში ნატოს წარმომადგენლები. საიუბილეო დღეს სასაზღვრო პოლიციის მოსამსახურეები და მესაზღვრეები, რომლებმაც თავი გამოიჩინეს საქართველოს სახელმწიფო საზღვრის დაცვისა და სასაზღვრო უწყების განვითარების საქმეში, მედლებით, სამკერდე ნიშნებითა და სიგელებით დაჯილდოვდებიან.

ამავე დღეს, 12 საათზე, ფოთში, მესაზღვრეების პროფესიული დღისადმი მიძღვნილი ღონისძიება სასაზღვრო პოლიციის სანაპირო დაცვის დეპარტამენტშიც გაიმართება. ღონისძიებას ადგილობრივი ხელისუფლების წარმომადგენელები და მოწვეული სტუმრები დაესწრებიან.

მესაზღვრეების პროფესიული დღე საქართველოში 14 წელია აღინიშნება.

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5