შსს-მ ყაჩაღობისა და განზრახ მკვლელობის ბრალდებით ორი პირი დააკავა

ოთხშაბათი, 20 მარტი, 2013 - 16:32

შსს-ს თბილისის მთავარი სამმართველოს დეტექტივების სამმართველოს და ქვემო ქართლის სამხარეო მთავარი სამმართველოს გარდაბნის რაიონული სამმართველოს თანამშრომლებმა, ერთობლივად ჩატარებული ოპერატიულ–სამძებრო და საგამოძიებო ღონისძიებების შედეგად, 1991 წელს დაბადებული კონსტანტინე რ. და 1981 წელს დაბადებული მეგი მ. ყაჩაღობისა და განზრახ მკვლელობის ბრალდებით დააკავეს.

დაკავებულებმა 18 მარტს, გამთენიისას, მესამე თანამზრახველთან ერთად, ნავთლუღის ბაზრის მიმდებარე ტერიტორიაზე ტაქსი გააჩერეს. მათ მძღოლს ე. წ. პეტრე–პავლეს სასაფლაოზე წაყვანა სთხოვეს. ადგილზე მისვლისას, ბრალდებულებმა ცივი იარაღის მუქარით მძღოლს, 1963 წელს დაბადებულ თამაზ მურაჩაშვილს ფული და მობილური ტელეფონი მოსთხოვეს. ურთიერთშელაპარაკებისას, კონსტანტინე რ-მ ტაქსის მძღოლს დანით მრავლობითი ჭრილობა მიაყენა. დამნაშავეებმა მობილური ტელეფონი და ფული მიითვისეს და შემთხვევის ადგილიდან მიიმალნენ. თამაზ მურაჩაშვილი ადგილზე გარდაიცვალა.

გამოძიებამ დაადგინა, რომ კონსტანტინე რ. წარსულში ქურდობის, ნარკოტიკული ნივთიერების მოხმარებისა და ცივი იარაღის უკანონო ტარებისთვისაა ნასამართლევი, ხოლო მეგი მ. – ქურდობისთვის.

სამართალდამცველები მესამე თანამზრახველის დადგენა–დაკავების მიზნით საგამოძიებო მოქმედებებს ატარებენ.

კონსტანტინე რ–ს მიმართ გამოძიება საქართველოს სსკ-ის 108–ე მუხლით და 179–ე მუხლის მე–2 ნაწილის „ბ“ ქვეპუნქტით მიმდინარეობს, მეგი მ-ს მიმართ კი – 179–ე მუხლის მე–2 ნაწილის „ბ“ ქვეპუნქტით.

მსგავსი სიახლეები

სოციალური ქსელი

ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი ივანიშვილის გარეშე დიდხანს ვერ დარჩებიან ხელისუფლებაში, მაგრამ ბევრის გაფუჭებას მოასწრებენ - მამუკა გამყრელიძე საჯაროდ გპირდები, ძალიან მალე ეს ქვეყანა შენგან გათავისუფლდება!!!! - ელისო კილაძე დღეს, ვინც ქოცების კრიტიკისთვის ტაშს მიკრავთ, ხვალ ნაცების გაკრიტიკებისთვის დედას მაგინებთ - სულა სულაშვილი ქვეყანა ღერძიდან გადაღუნა და ესენი ღლიცინებენ, ბიძინა "ხიხო" არისო - სულა სულაშვილი ან მე გავგიჟდი, ანდა იურისტთა უმრავლესობას „მარტივი ჭეშმარიტების დანახვა და აღიარება“ არ სურს - გიორგი მარიამიძე

გამოკითხვა

ვის ისურვებდით დედაქალაქის მერად

ვალუტა

  • 2.41
  • 2.69
  • 3.05
  • 0.04
  • 0.68
  • 1.42