თავდაცვის სამინისტროში სამოქალაქო ოფისის ვაკანტურ თანამდებობებზე კონკურსი ცხადდება

ოთხშაბათი, 20 მარტი, 2013 - 14:40

საქართველოს თავდაცვის სამინისტროს სამოქალაქო ოფისის ვაკანტურ თანამდებობებზე კონკურსი ცხადდება. ამ თემასთან დაკავშირებით თავდაცვის სამინისტროში დღეს, მინისტრის მოადგილემ თამარ ქაროსანიძემ ბრიფინგი გამართა  და კონკურსის პირობების შესახებ ისაუბრა. მისი განცხადებით, მასში მონაწილეობის მიღება საქართველოს ყველა ქმედუნარიან მოქალაქეს შეუძლია, რომელსაც სათანადო ცოდნა და გამოცდილება აქვს, მიაღწია 21 წლის ასაკს და ფლობს საქართველოს სახელმწიფო ენას.

ქაროსანიძეს განცხადებით, ვაკანტურად ცხადდება შემდეგი თანამდებობები:

იურიდიული დეპარტამენტის უფროსი;

ფინანსების მართვის დეპარტამენტის უფროსის მოადგილე;

მინისტრის მოადგილის თანაშემწე;

სახელმწიფო შესყიდვების დეპარტამენტის უფროსის მოადგილე;

სახელმწიფო შესყიდვების დეპარტამენტის მატერიალურ-ტექნიკური უზრუნველყოფის სამმართველოს უფროსი;

სახელმწიფო შესყიდვების დეპარტამენტის მატერიალურ-ტექნიკური უზრუნველყოფის სამმართველოს უფროსის მოადგილე.

თავდაცვის პოლიტიკისა და დაგეგმვის დეპარტამენტის უფროსის მოადგილე;

თავდაცვის პოლიტიკისა და დაგეგმვის დეპარტამენტის თავდაცვის პოლიტიკის სამმართველოს უფროსი;

თავდაცვის პოლიტიკისა და დაგეგმვის დეპარტამენტის თავდაცვის პოლიტიკის სამმართველოს უფროსის მოადგილე;

თავდაცვის პოლიტიკისა და დაგეგმვის დეპარტამენტის თავდაცვის დაგეგმვის, პროგრამირებისა და ბიუჯეტირების სამმართველოს უფროსის მოადგილე;

თავდაცვის პოლიტიკისა და დაგეგმვის დეპარტამენტის თავდაცვის დაგეგმვის სამმართველოს უფროსი სპეციალისტი.

ასევე, როგორც მინისტრის მოადგილემ აღნიშნა, კანდიდატი საკონკურსო მოთხოვნებს უნდა აკმაყოფილებდეს. კონკურსში მონაწილეობისთვის განაცხადი მხოლოდ ერთ ვაკანსიაზე და მხოლოდ ელექტრონული ფორმით საჯარო სამსახურის ბიუროს მიერ ადმინისტრირებულ ვებ-გვერდზე (www.hr.gov.ge) უნდა წარადგინოს.

ტესტირებას სსიპ „გამოცდების ეროვნული ცენტრი“ ჩაატარებს და შედეგებს ვებ-გვერდზე (www.naec.ge) გამოაქვეყნებს. კონკურსის მეორე ეტაპზე 10 საუკეთესო ქულის მქონე კანდიდატები გადავლენ, რომლებიც ტესტის 60%-ს გადალახავენ. გასაუბრებას საქართველოს თავდაცვის სამინისტროს სამოქალაქო ოფისის საკონკურსო-საატესტაციო კომისია ჩაატარებს და კანდიდატს შედეგებს გასაუბრებიდან 5 დღის ვადაში.

 

მსგავსი სიახლეები

სოციალური ქსელი

იყავით უშიშარნი ვითარცა უხორცო!!! პირველ დარტყმას პირადად მე ავიღებ ჩემს თავზე!!! - სანდრო ბრეგაძე მიდით დაგვარბიეთ და რა ტურასაც დაიჭერთ, მერე ვნახოთ - რამაზ გაგნიძე ამერიკის საელჩოსა და მთავრობას შორის შეთანხმევაზე ავრცელებს ინფორმაციას რამდენი რამის თქმა მსურს იმ ადამიანების გასაგონად, ვისაც ერთხელ მაინც არ ჰქონია განცდა საკუთარი ცოდვისა... - პეტრე კოლხი ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი ივანიშვილის გარეშე დიდხანს ვერ დარჩებიან ხელისუფლებაში, მაგრამ ბევრის გაფუჭებას მოასწრებენ - მამუკა გამყრელიძე საჯაროდ გპირდები, ძალიან მალე ეს ქვეყანა შენგან გათავისუფლდება!!!! - ელისო კილაძე

გამოკითხვა

ვის ისურვებდით დედაქალაქის მერად

ვალუტა

  • 2.4
  • 2.79
  • 3.12
  • 0.04
  • 0.68
  • 1.42