პრეზიდენტის ბრალდებები მთავრობის მიმართ სასაცილო იყო - ჯიმშერ ოთანაძე

სამშაბათი, 19 მარტი, 2013 - 18:54

მიხეილ სააკაშვილის გუშინდელი განცხადება, რომ თითქოს საქართველოს მთავრობას აქვს კრიტიკული დამოკიდებულება "ევროპის სახალხო პარტიისა" და ზოგადად, ევროპული კურსის მიმართ, აბსურდული და ალოგიკურია  - ამის შესახებ კოალიცია "ჩვენი უფლებებისთვის" თანათავმჯდომარემ ჯიმშერ ოთანაძემ განაცხადა.

მისი თქმით, საქართველოს ახალ მთავრობას ევროპასთან ინტეგრაციის შესახებ მკაფიო პოზიცია აქვს და ამ მიმართულებით კონკრეტულ ნაბიჯებს დგამს.

"სასაცილო იყო სააკაშვილის ბრალდებები ივანიშვილის მთავრობის წინააღმდეგ, ევროპის მოტყუებასა და რუსეთის წინაშე ფორთხვის პოლიტიკასთან დაკავშირებით. თუ ვინმე ატყუებდა ევროპას, ეს სააკაშვილი და "ნაციონალური მოძრაობაა", დემოკრატიის ფასადს ამოფარებულნი როცა ანგრევდნენ ქვეყანაში დემოკრატიულ ღირებულებებს, პრინციპებს და თავად ფორთხავდნენ რუსეთის წინაშე, როცა სახელმწიფოს სტრატეგიულად მნიშვნელოვანი ობიექტები გადასცეს რუსულ კომპანიებს", - აღნიშნავს ოთანაძე.

მისი თქმით, უმჯობესი იქნება ნაციონალურმა მოძრაობამ საკონსტიტუციო ცვლილებებთან დაკავშირებით თავისი პოზიცია დააფიქსიროს. "გვითხრან, თანახმა არიან თუ არა, რომ სააკაშვილს მთავრობის ერთპიროვნულად დათხოვნის შესახებ ავტოკრატისთვის დამახასიათებელი უფლება შეეზღუდოს. გვითხრან, ამბობენ თუ არა უარს საკონსტიტუციო ნორმაზე, რომელიც ევროპულ ღირებულებებს და სტანდარტებს აშკარად ეწინააღმდეგება", - აცხადებს ჯიმშერ ოთანაძე.

მსგავსი სიახლეები

სოციალური ქსელი

ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი ივანიშვილის გარეშე დიდხანს ვერ დარჩებიან ხელისუფლებაში, მაგრამ ბევრის გაფუჭებას მოასწრებენ - მამუკა გამყრელიძე საჯაროდ გპირდები, ძალიან მალე ეს ქვეყანა შენგან გათავისუფლდება!!!! - ელისო კილაძე დღეს, ვინც ქოცების კრიტიკისთვის ტაშს მიკრავთ, ხვალ ნაცების გაკრიტიკებისთვის დედას მაგინებთ - სულა სულაშვილი ქვეყანა ღერძიდან გადაღუნა და ესენი ღლიცინებენ, ბიძინა "ხიხო" არისო - სულა სულაშვილი ან მე გავგიჟდი, ანდა იურისტთა უმრავლესობას „მარტივი ჭეშმარიტების დანახვა და აღიარება“ არ სურს - გიორგი მარიამიძე

გამოკითხვა

ვის ისურვებდით დედაქალაქის მერად

ვალუტა

  • 2.41
  • 2.69
  • 3.07
  • 0.04
  • 0.69
  • 1.43