თბილისში ჭიდაობის ზეიმი იწყება

სამშაბათი, 19 მარტი, 2013 - 13:29

რამდენიმე საათში თბილისის სპორტის სასახლეში, ჭიდაობაში, ევროპის ჩემპიონატი იწყება. სადაც 47 ქვეყნის სპორტსმენები მიიღებენ მონაწილეობას. ტურნირს ქალი მოჭიდავეები გახსნიან, ხოლო შემდეგ, ხუთი საათისთვის უკვე, თავისუფალ სტილში მოჭიდავე ფალავნები ჩაერთვებიან. ტურნირი იმითაც არის განსაკუთრებული, რომ ოლიმპიადის შემდეგ, უმაღლესი დონის ტურნირი პირველად იმართება და  ინტერესიც დიდია.

გამომდინარე აქედან, ფედერაციამ ყველაფერი გააკეთა იმისათვის, რომ ტურნირმა მაღალ დონეზე ჩაიაროს, ამისთვის სამთავრებო კომისია შეიქმნა, რომელსაც პრემიერ-მინისტრი ჩაუდგა სათავეში.

მოგეხსენებათ, საერთაშორისო ოლიმპიურ კომიტეტში მიიღეს გადაწყვეტილება, რომ 2020 წლის ზაფხულის ოლიმპიადიდან ამოიღონ ჭიდაობის სახეობა. რასაც დიდი პროტესტი მოჰყვა. პროტესტის ნიშნად, ზოგიერთმა ოლიმპიურმა ჩემპიონმა მედლები უკან დააბრუნა, ზოგმა კი შიმშილობა გამოაცხადა. სპორტის სასახლეში მოსულ დელეგაციას სპეციალურ სტენდზე შეეძლება მხარდაჭერა ხელის მოწერით გამოხატონ, რათა ჭიდაობა ოლიმპიადაზე დარჩეს.

სპორტის სამინისტროსა და ჭიდაობის ფედერაციიის ინიციატივით, რეგიონებში სპეციალური ტრანსპორტი დაინიშნა, რათა ახაგაზრდებს შეეძლოთ თბილისში ჩამოსვლა და საკუთარი ნაკრების მხარდაჭერა.

ტურნირზე დასწრების ბილეთის ფასიც სიმბოლურია 1 ლარიდან 3 ლარამდეა.

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.48
  • 2.93
  • 3.3
  • 0.04
  • 0.68
  • 1.46