„ახალგაზრდა ქრისტიან–დემოკრატებს“ ახალი თავმჯდომარე ჰყავს

, 17 მარტი, 2013 - 23:23

საერთაშორისო რესპუბლიკური ინსტიტუტის (IRI) დაფინანსებით, „ახალგაზრდა ქრისტიან–დემოკრატებმა“ ბაზალეთის სასტუმრო კომპლექსში სემინარი გამართეს. სემინარის მიზანი, ახალი თავმჯდომარისა და შიდა სტრუქტურის წარმომადგენლების არჩევა იყო.

 ახალგაზრდულის თავმჯდომარე ლაშა აივაზაშვილი გახდა, რომელიც ლეგიტიმური წესით იყო არჩეული. ასევე აირჩიეს შიდა სტრუქტირის წარმომადგენლები, პირველი ვიცე თავმჯდომარედ – თენგო ჯანგულაშვილი, რომელიც თბილისის ორგანიზაციას ჩაიბარებს, მეორე ვიცე თავმჯდომარე – გიორგი სუხიტაშვილი, რომელიც რეგიონებს უხელმძღვანელებს, მესამე ვიცე თავმჯდომარე – მარიამ მახარობლიძე, რომელც გენდერულ საკითხებს უხელმძღვანელებს, საერთაშორისო მდივანი – ანდრო კიკაბიძე, კომუნიკაციების ხელმძღვანელი ეთა მამალაშვილი, ისტორიისა და რელიგიის კომიტეტს უხელმძღვანელებს სალომე ქამუშაძე, ჯანდაცვის კომიტეტს – ნინო სიჭინავა და ახალგაზრდობასთან ურთიერთობის სამდივნოს ჩაიბარებს – თორნიკე მეშველიანი.

„დღეს ძალიან მნიშვნელოვანი დღეა „ახალგაზრდა ქრისტიან–დემოკრატების“ ისტორიაში. ჩვენ ვაგრძელებთ 2008 წლიდან–პარტიის დაფუძნებიდან აღებულ კურსს. მიზანმიმართულად და თანმიმდევრულად მივდივართ იმ მიზნისკენ, რასაც „ქრისტიან–დემოკრატიული“ საქართველო ჰქვია. ამ საქმეში განუზომელია სწორედ ახალგაზრდობის წვლილი და ჩვენი ამოცანაა, რომ ვიყოთ ახალგაზრდობისა და განსაკუთრებით ახალგაზრდა ოჯახების პრობლემების სადარაჯოზე“, – განაცხადა ახალგაზრდულის თავმჯდომარე ლაშა აივაზაშვილმა.

აღნიშნულ ღონისძიებას ორგანიზაციის ლიდერები ესწრებოდნენ.

 

მსგავსი სიახლეები

"ახალი საქართველო"-ს ტელე არქივი

სოციალური ქსელი

გამოკითხვა

გაუმჯობესდა თუ არა თქვენი ოჯახის ეკონომიკური მდგომარეობა

ვალუტა

  • 2.41
  • 2.69
  • 3.13
  • 0.04
  • 0.67
  • 1.42