ბექარ ხოფერიას, გიგა იობაშვილს და ერასტი საბანაძეს 7000 ლარის გირაო შეეფარდათ

შაბათი, 16 მარტი, 2013 - 17:17

თბილისის საქალაქო სასამართლომ პროკურატურის შუამდგომლობა ბრალდებულების: ბექარ ხოფერიას, გიგა იობაშვილის, ერასტი საბანაძისა და დავით ეჯიბიას მიმართ აღკვეთის ღონისძიების სახით პატიმრობის შეფარდების თაობაზე ნაწილობრივ დააკმაყოფილა. სასამართლომ, დავით ეჯიბიას პატიმრობა, ხოლო ბექარ ხოფერიას, გიგა იობაშვილს და ერასტი საბანაძეს აღკვეთის ღონისძიების სახით გირაო 7000 ლარის ოდენობით, საპატიმრო უზრუნველყოფით შეუფარდა.

გირაოს სრული მოცულობით გადახდის შემთხვევაში, ბრალდებულები პატიმრობიდან დაუყოვნებლივ გათავისუფლდებიან.

აღნიშნულ პირებს თამარაშვილის ქუჩა N 13-ის მიმდებარე ტერიტორიაზე ჯგუფურად, ძალადობის გამოყენებით პოლიციის ორი თანამშრომლის მიერ საზოგადოებრივი წესრიგის დაცვისათვის ხელის შეშლის მიზნით გაწეული წინააღმდეგობისა და ფიზიკური და სიტყვიერი შეურაცხყოფისთვის ედებათ ბრალი.

აღნიშნულ საქმეზე წინასასამართლო სხდომა თბილისის საქალაქო სასამართლოში, 2013 წლის 7 მაისს 12 საათზე გაიმართება.

 

 

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.48
  • 2.93
  • 3.3
  • 0.04
  • 0.68
  • 1.46