თურქეთიდან ნარკოტიკული საშუალების შემოტანისთვის ორი პირი დააკავეს

შაბათი, 16 მარტი, 2013 - 14:32

სამეგრელო-ზემო სვანეთის სამხარეო მთავარი სამმართველოს თანამშრომლებმა, ჩატარებული ოპერატიულ-სამძებრო და საგამოძიებო ღონისძიების შედეგად, 1973 წელს დაბადებული მალხაზ ა. და 1968 წელს დაბადებული ჯიმშერ ძ. ნარკოდანაშაულისათვის სარფის საკონტროლო გამშვები პუნქტის მიმდებარე ტერიტორიაზე დააკავეს.

სამართალდამცველებმა მალხაზ ა-ს პირადი ჩხრეკისას 4 შეკვრად დაფასოებული ნარკოტიკული ნივთიერება ამოიღეს, ჯიმშერ ძ-ს კი – ფეხსაცმლის ქუსლში დამალული ჰქონდა 12 შეკვრა. ექსპერტიზის დასკვნით, ამოღებული ნარკოტიკის საერთო წონა 11,2 გრამს შეადგენს, რომელშიც 2,5 გრ „ჰეროინი“ აღმოჩნდა.

გამოძიებამ დაადგინა, რომ დაკავებულებმა ნარკოტიკული საშუალება შემდგომში მისი საქართველოს ტერიტორიაზე რეალიზაციის მიზნით თურქეთის რესპუბლიკაში შეიძინეს.

გამოძიება მალხაზ ა-ს მიმართ საქართველოს სსკ-ის 260-ე მუხლის (ნარკოტიკული საშუალების დიდი ოდენობით უკანონო შეძენა-შენახვა–გასაღება) მე–2 ნაწილის „ა“ ქვეპუნქტით და 262-ე მუხლის (ნარკოტიკული საშუალების დიდი ოდენობით უკანონოდ შემოტანა) მე–2 ნაწილის „ა“ ქვეპუნქტით მიმდინარეობს. ჯიმშერ ძ-ს მიმართ კი გამოძიება 260-ე მუხლის (ნარკოტიკული საშუალების დიდი ოდენობით უკანონო შეძენა-შენახვა–გასაღება) მე–3 ნაწილის „ა“ ქვეპუნქტით და 262-ე მუხლის მე–4 ნაწილის „ა“ ქვეპუნქტით მიმდინარეობს. გამოძიებას სამეგრელო-ზემო სვანეთის სამხარეო მთავარი სამმართველო აწარმოებს.

 

 

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.46
  • 3.08
  • 3.47
  • 0.04
  • 0.66
  • 1.45