საქალაქო სასამართლოში დავით კეზერაშვილის საქმის წინა სასამართლო განხილვა მიმდინარეობს

პარასკევი, 15 მარტი, 2013 - 15:25

საქალაქო სასამართლოში დავით კეზერაშვილის საქმის წინა სასამართლო განხილვა ერთ საათზე მეტია მიმდინარეობს. საქმე დანაშაულებრივი ჯგუფის მიერ ფალსიფიცირებული საკონიაკე სპირტის წარმოებას ეხება, რასაც გამოძიების ინფორმაციით, კეზერაშვილი სამსახურებრივი მდგომარეობის გამოყენებით უწყობდა ხელს. კეზერაშვილს განსაკუთრებით დიდი ოდენობით ფულის მოთხოვნისა და ქრთამის მიღებისთვის, ასევე საფინანსო საქმიანობის სფეროში ჩადენილი დანაშაულისთვის ედება ბრალი. გამოძიების ინფორმაციით, მან, როგორც დანაშაულებრივი ჯგუფის ხელმძღვანელმა, ქრთამის სახით 12 მილიონ ლარზე მეტი მიიღო.

კეზერაშვილის დაცვას საკუთარი შუამდგომლობა ჯერ არ დაუყენებია. ბრალდების მხარემ თავის შუამდგომლობა წაიკითხა. ბრალდება ყველა იმ მტკიცებულებას წარმოადგენს, რაც მან გამოძიების პროცესში მოიპოვა. ის ასევე სასამართლოს წარუდგენს იმ პირთა სიას, რომელთა დაკითხვასაც სასამართლო სხდომებზე მოითხოვენ. ამ საქმეზე კიდევ ათამდე ბრალდებულია. მათ შორის არიან მოხელეები, რომლებიც გამოძიების ინფორმაციით, იმ დანაშაულებრივ ჯგუფში იყვნენ, რომლის ხელმძღვანელიც დავით კეზერაშვილი იყო. დაცვის მხარე კი აცხადებს, რომ ბრალდების მხარეს არ აქვს არანაირი მტკიცებულება, რომელიც დავით კეზერაშვილის ბრალეულობას დაამტკიცებს.

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.63
  • 3.09
  • 3.5
  • 0.04
  • 0.69
  • 1.55