კონკურსში გამარჯვებული არასამთავრობოები პირობით მსჯავრდებულთა სარეაბილიტაციო პროგრამებს განახორციელებენ

ხუთშაბათი, 14 მარტი, 2013 - 12:26

კონკურსის შედეგად გამოვლინდნენ არასამთავრობო ორგანიზაციები, რომლებიც სამეგრელო-ზემო სვანეთში, კახეთსა და აჭარაში პირობით მსჯავრდებულთა ფსიქო-სოციალური რეაბილიტაციის, საზოგადოებაში ინტეგრაციისა და დანაშაულის პრევენციის მხარდამჭერ პროგრამებს განახორციელებენ.

საქველმოქმედო ჰუმანიტარული ცენტრი ”აფხაზეთი” ორ პროექტს სამეგრელოში, ერთს კი კახეთში წარმართავს. ანალოგიურ პროექტს აჭარაში ” წამების მსხვერპლთა ფსიქო-სოციალური და სამედიცინო რეაბილიტაციის ცენტრი - ბათუმი” განახორციელებს. აღნიშნულ პროექტებს პრობაციის ეროვნული სააგენტო დააფინანსებს.

რისკებისა და საჭიროებების შეფასების შედეგად გამოვლენილი პრობაციონერებისგან დაკომპლექტებული ჯგუფები გაივლიან ფსიქო-სარეაბილიტაციო და სოციალური უნარების განვითარების 4-თვიან პროგრამებს.

გამოცდილი სპეციალისტების მიერ ჩატარებული ტრენინგები პრობაციონერებს საზოგადოებაში ინტეგრაციისათვის საჭირო უნარ-ჩვევების გამომუშავებასა და თვითრეალიზაციაში დაეხმარება. სპეციალური პროგრამით მუშაობა ასევე წარიმართება არასრულწლოვან პირობით მსჯავრდებულებთან.

უახლოეს მომავალში, პრობაციის ეროვნული სააგენტოს მხარდაჭერით, ანალოგიური პროექტები საქართველოს სხვა რეგიონებშიც განხორციელდება.

პრობაციის ეროვნულ სააგენტოში პირობით მსჯავრდებულთა მიმდინარე სარეაბილიტაციო პროგრამები სისხლის სამართლის რეფორმის საკოორდინაციო საბჭოს მიერ შემუშავებული სტრატეგიისა და სამოქმედო გეგმის შემადგენელი ნაწილია.

 

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.46
  • 3.08
  • 3.47
  • 0.04
  • 0.66
  • 1.45