დავით უსუფაშვილმა ვაშინგტონში ქართველი ჟურნალისტების შეკითხვებს უპასუხა

ხუთშაბათი, 14 მარტი, 2013 - 11:39

,,ჩვენ ვსაუბრობთ იმის შესაძლებლობაზე, რომ დაიწყოს სერიოზული მოლაპარაკებები თავისუფალი სავაჭრო ურთიერთობების თაობაზე შეთანხმების შესახებ. ვინაიდან ჩვენ ევროკავშირის მიმართულებით გვაქვს სერიოზული პროგრესი და ველოდებით მალე ხელშეკრულების ხელმოწერას, ძალიან ბევრი საკითხი, რომელიც აშშ-სთვის მნიშვნელოვანია, ქვეყანაში მოგვარებული იქნება. კონგრესშიც და სენატშიც ფრიად გაოცებული დარჩნენ, რომ დღეისთვის აშშ-ს კერძო ბიზნესი ქართულ ბაზარზე ნაკლებადაა წარმოდგენილი“, - ამის შესახებ დავით უსუფაშვილმა ვაშინგტონში, ქართველ ჟურნალისტებთან საუბრისას განაცხადა.

მისი აზრით, აღნიშნულის მიზეზი შესაძლოა ყოფილიყო ქვეყანაში კანონის უზენაესობის პრობლემა, ასევე არასტაბილურობა, ომი და ომის შემდგომი პერიოდი, თუმცა პარლამენტის თავმჯდომარე მიიჩნევს, რომ მსოფლიოს ძალიან ბევრ ქვეყანაში არანაკლები სირთულეებია სტაბილურობის თვალსაზრისით, მაგრამ ამერიკული ბიზნესი იქ გზას იკვალავს.

პარლამენტის თავმჯდომარის, დავით უსუფაშვილის კონგრესის ორივე პალატაში, გუშინ გამართული შეხვედრების მთავარი თემები საგარეო და სავაჭრო ურთიერთობები იყო. შეხვედრებზე ყურადღება გამახვილდა ქვეყნებს შორის სამხედრო ურთიერთობების პერსპექტივევბზე.

,,ჩვენ ვისაუბრეთ ქვეყნებს შორის ურთიერთობების გაღრმავების პერსპექტივებზე, მათ შორის სამხედრო თანამშრომლობის სფეროში. ძალიან მისასალმებელია, რომ ჩვენი პარტნიორები აპირებენ კიდევ უფრო გააუმჯობესონ ჩვენთან ურთიერთობა ინტესივობისა და მოცულობის თვალსაზრისითაც“, - აღნიშნა პარლამენტის თავმჯდომარემ.

დავით უსუფაშვილმა აშშ-ის კონგრესის ბიბლიოთეკასა და საქართველოს პარლამენტის ეროვნულ ბიბლიოთეკას შორის თანამშრომლობის გეგმებზეც ისაუბრა. მან ასევე კომენტარი გააკეთა მომავალ კვირაში საქართველოს პარლამენტში დაგეგმილ საკონსტიტუციო ცვლილებების კენჭისყრაზე და ,,ამნისტიის კანონის“ შესახებ ვენეციის კომისიის დასკვნაზე.

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.43
  • 3
  • 3.45
  • 0.04
  • 0.59
  • 1.43