დავით ნარმანია საზოგადოებას ხვალ ანგარიშს ჩააბარებს

ოთხშაბათი, 13 მარტი, 2013 - 22:58

საქართველოს რეგიონული განვითარებისა და ინფრასტრუქტურის მინისტრი დავით ნარმანია მთავრობის ახალი პროექტის - „საქართველოს მთავრობა ღია მმართველობისთვის“ - ფარგლებში საზოგადოებას ხვალ ბოლო ერთი თვის განმავლობაში სამინისტროს მიერ გაწეული საქმიანობის შესახებ ანგარიშს ჩააბარებს.

დავით ნარმანია დეტალურად ისაუბრებს საქართველოს რეგიონებში განსახორციელებელი პროექტების ფონდიდან დასაფინანსებელი პროექტების შესახებ. რეგიონული განვითარების სამინისტრომ ამ მიმართულებით პირველი ეტაპი - მუნიციპალიტეტებიდან და სამხარეო ადმინისტრაციებიდან პროექტების მიღების პროცესი დაასრულა და მეორე - პროექტების შერჩევის პროცესს იწყებს. რეგიონებში განსახორციელებელი პროექტებისთვის ფონდიდან მთლიანობაში 200 მილიონი ლარი დაიხარჯება.

გარდა ამისა, მინისტრი განცხადებას გააკეთებს რეგიონებში განსახორციელებელ კიდევ ერთ პროექტზე - სოფლის დახმარების პროგრამაზე და ამ მიმართულებით არსებულ მნიშვნელოვან სიახლეებზე.

ბოლოს კი, დავით ნარმანია მედიას მიაწვდის ინფორმაციას იმ მსხვილი ტენდერების შესახებ, რომელიც სამინისტრომ სხვადასხვა ინფრასტრუქტურული პროექტების განსახორციელებლად გამოაცხადა, აგრეთვე, იმ სამუშაოების შესახებ, რომლებიც დასრულებული საერთაშორისო ტენდერების შედეგად მიმდინარეობს.

საქართველოს მთავრობის მიერ წამოწყებული ახალი პროექტის - „საქართველოს მთავრობა ღია მმართველობისთვის“ - მიზანია, მთავრობის მუშაობა გახადოს უფრო ღია და გამჭვირვალე და ტრადიციად აქციოს ხელისუფლების წარმომადგენლების ანგარიშვალდებულება საკუთარი მოქალაქეებისადმი.

 შეხვედრა ხვალ, 14:00 საათზე,  საქართველოს რეგიონული განვითარებისა და ინფრასტრუქტურის სამინისტროში გაიმართება.

მისამართ: თბილისი, ალ. ყაზბეგის გამზ. 12

 

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.63
  • 3.09
  • 3.5
  • 0.04
  • 0.69
  • 1.55