სახალხო დამცველი აგრარულ უნივერსიტეტთან დაკავშირებით პოლიტიკური და სამართლებრივი საკითხების გამიჯვნას მოითხოვს

ოთხშაბათი, 13 მარტი, 2013 - 13:06

აგრარულ აუნივერსიტეტთან დაკავშირებით სახალხო დამცველის აპარატი დასკვნას რამდენიმე დღეში გამოაქვეყნებს. ამის შესახებ განცხადება პირველი რადიოს ეთერში მიხეილ ნანუაშვილმა გააკეთა. სახალხო დამცველი აცხადებს, რომ სტუდენტებს განათლების მიღების უფლება არ უნდა შეეზღუდოთ, ის პოლიტიკური და სამართლებრივი საკითხების ერთმანეთისაგან გამიჯვნასაც მოითხოვს.

„ათასობით სტუდენტის უფლება, განათლებაზე, არ უნდა იყოს დარღვეული. მათ აქვთ  ამის უფლება და მათ უნდა მიიღონ განათლება. ძალიან მნიშვნელოვანია, რომ ეს უფლება და ეს პრინციპი აუცილებლად იყოს დაცული. რაც შეეხება მეორე მხარეს, ჩვენ უნდა განვასხვავოთ საკითხის სამართლებრივი და პოლიტიკური მხარე. მთავარია, რომ გამოირიცხოს ყოველგვარი პოლიტიკური ჩარევა, ყოველგვარი პოლიტიკური მეთოდი რომელიც შეიძლება იქნეს გამოყენებული“ - განაცხადა სახალხო დამცველმა.

შეგახსენებთ, რომ ხარისხის განვითარების ეროვნულ ცენტრში, ღია კენჭისყრით, ექვსი მომხრე და ერთი მოწინაღმდეგე, მიიღეს აგრარული უნივერსიტეტისთვის ავტორიზაციის შეჩერების გადაწყვეტილება. დაახლოებით 80-გვერდიან დასკვნას, საბჭოს წევრები დაინტერესებულ მხარესთან ერთად, ორი დღის წინ, საღამოს 20.00 საათიდან გამთენიის 05.00 საათამდე განიხილავდნენ.

 

 

 

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5