შოთა მურღულია აზიის განვითარების ბანკის ცენტრალურ ოფისში შეხვედრებს გამართავს

ოთხშაბათი, 13 მარტი, 2013 - 13:01

საქართველოს რეგიონული განვითარებისა და ინფრასტრუქტურის მინისტრის მოადგილე შოთა მურღულია აზიის განვითარების ბანკის მიწვევით ფილიპინების დედაქალაქ მანილაში იმყოფება. ვიზიტის ფარგლებში დაგეგმილია შოთა მურღულიას შეხვედრა აზიის განვითარების ბანკის ხელმძღვანელ პირებთან. შეხვედრაზე მინისტრის მოადგილე აზიის განვითარების ბანკის მხარდაჭერით საქართველოში მიმდინარე მსხვილი ინფრასტრუქტურული პროექტების შესახებ ინფორმაციას წარადგენს. გაიმართება, ასევე, მოლაპარაკებები მომდევნო წლებში განსახორციელებელი პროექტების თაობაზეც.

ვიზიტის ფაგლებში შოთა მურღულია, ასევე, დაესწრება კონფერენციას წყალმომარაგების ინფრასტრუქტურის განვითარების შესახებ, რომელშიც აზიის განვითარების ბანკის პარტნიორი ქვეყნები იღებენ მონაწილეობას. რეგიონული განვითარებისა და ინფრასტრუქტურის მინისტრის მოადგილესთან ერთად, აღნიშნულ კონფერენციაში მონაწილეობას მიიღებს საქართველოს გაერთიანებული წყალმომარაგების კომპანიის პროექტების მართვისა და საერთაშორისო ურთიერთობების დეპარტამანეტის უფროსი ლევან ტაბატაძე, რომელიც მანილაში შოთა მურღულიასთან ერთად იმყოფება.

 

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.48
  • 2.92
  • 3.28
  • 0.04
  • 0.67
  • 1.46