კომისია, რომელმაც აგრარულ უნივერსიტეტს ავტორიზაცია შეუწყვიტა, წინა მთავრობის შექმნილია - ბიძინა ივანიშვილი

სამშაბათი, 12 მარტი, 2013 - 18:59

განათლების სამინისტროს მიერ აგრარული უნივერსიტეტისთვის ავტორიზაციის შეწყვეტას საქართველოს პრემიერ-მინისტრი ბიძინა ივანიშვილი გამოეხმაურა. ივანიშვილის განცხადებით, კომისია, რომელმაც აგრარულ უნივერსიტეტს ავტორიზაცია შეუწყვიტა,  წინა მთავრობის მიერ არის შექმნილი და აღნიშნა, რომ ტუდენტებს პრობლემები არ შეექმნებათ.

"ეს არის ღია კარის მტვრევა. კომისია, რომელმაც შემოწმება ჩაატარა, სააკაშვილის დროს შეიქმნა. კომისიას აქვს მარტივი კითხვები ამ უნივერსიტეტთან, რომელიც არ ითვალისწინებს ლიცენზიის ჩამორთმევას. მათ ასევე მარტივად შეუძლიათ კომისიის შენიშვნები გაითვალისწინონ და ლიცენზიის აღდგენაც უპრობლემოდ მოხდება", - განაცხადა პრემიერმა.

შეგახსენებთ, რომ ხარისხის განვითარების ეროვნულ ცენტრში, ღია კენჭისყრით, ექვსი მომხრე და ერთი მოწინაღმდეგე, აგრარული უნივერსიტეტისთვის ავტორიზაციის შეჩერების გადაწყვეტილება მიიღეს. დაახლოებით 80-გვერდიან დასკვნას, საბჭოს წევრები დაინტერესებულ მხარესთან ერთად, საღამოს 20:00 საათიდან გამთენიის 05:00 საათამდე განიხილავდნენ.

 

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.49
  • 2.94
  • 3.27
  • 0.04
  • 0.68
  • 1.46