დედოფლისწყაროში, აღსრულების ბიუროს შენობაში ცეცხლი გაჩნდა

ორშაბათი, 11 მარტი, 2013 - 20:16

შს დედოფლისწყაროს პოლიციის სამმართველოს ყოფილი შენობის სხვენს ცეცხლი გაუჩნდა. წინასწარი ინფორმაციით, ხანძარი ელექტროსადენებმა გამოიწვია, - ინფორმაციას ქიზიყი.ge ავრცელებს.

 მუნიციპალიტეტის სახანძრო-სამაშველო სამსახურის ჯგუფი თვითმხილველებმა გამოიძახეს, ცეცხლის ლოკალიზება მალევე მოხერხდა. შენობაში, სადაც აღსრულების ეროვნული ბიუროს ადგილობრივი ოფისია განთავსებული ხანძრის შედეგად არავინ დაზიანებულა.

როგორც აღსრულების ეროვნული ბიუროს საზოგადოებასთან ურთიერთობის მენეჯერმა ბესიკ ლილუაშვილმა ქიზიყი.ge-ს განუცხადა, ზარალი უმნიშვნელოა.

„აღსრულების ბიუროს ზარალი არ განუცდია, მხოლოდ ელექტროსადენები და ორი ჩამრთველი დაზიანდა. ახლახან ვესაუბრე კახეთის ბიუროს ხელმძღვანელს და რამდენადაც ჩვენთვის არის ცნობილი, ხანძრის გამომწვევ მიზეზად მოძველებული ელექტროსადენები სახელდება. ეს შენობა ჩვენ არ გვეკუთვნის,“ – აღნიშნავს ლილუაშვილი.

შეგახსენებთ, ეს უკვე მეორე შემთხვევაა. ამავე შენობაში, ორი წლის წინ, იგივე მიზეზით ცეცხლი პოლიციის სამმართველოს ფუნქციონირების დროსაც გაჩნდა. პოლიციის გამჭვირვალე შენობის გახსნის შემდეგ ეს შენობა უფუნქციოდ დარჩა, რის შემდეგაც აქ აღსრულების ბიურო განთავსდა. /ქიზიყი.ge/

მსგავსი სიახლეები

სოციალური ქსელი

ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი ივანიშვილის გარეშე დიდხანს ვერ დარჩებიან ხელისუფლებაში, მაგრამ ბევრის გაფუჭებას მოასწრებენ - მამუკა გამყრელიძე საჯაროდ გპირდები, ძალიან მალე ეს ქვეყანა შენგან გათავისუფლდება!!!! - ელისო კილაძე დღეს, ვინც ქოცების კრიტიკისთვის ტაშს მიკრავთ, ხვალ ნაცების გაკრიტიკებისთვის დედას მაგინებთ - სულა სულაშვილი ქვეყანა ღერძიდან გადაღუნა და ესენი ღლიცინებენ, ბიძინა "ხიხო" არისო - სულა სულაშვილი ან მე გავგიჟდი, ანდა იურისტთა უმრავლესობას „მარტივი ჭეშმარიტების დანახვა და აღიარება“ არ სურს - გიორგი მარიამიძე

გამოკითხვა

ვის ისურვებდით დედაქალაქის მერად

ვალუტა

  • 2.41
  • 2.69
  • 3.07
  • 0.04
  • 0.69
  • 1.42