ვენეციის კომისიის დასკვნა ჩვენთვის სრულიად მისაღებია - კონსტანტინე კუბლაშვილი

ორშაბათი, 11 მარტი, 2013 - 15:34

მივესალმები ვენეციის კომისიის ჩართულობას ნებისმიერ იმ საკითხში, რომელიც ეხება სასამართლო სისტემას, სასამართლო ხელისუფლების დამოუკიდებლობას და საერთო ჯამში, დადებითად ვაფასებ იმ პროცესს, რომელიც რამდენიმე თვის განმავლობაში მიმდინარეობდა. მინდა დადებითად შევაფასო ის დასკვნა, რომელიც წარმოდგენილი იყო ვენეციის კომისიიის სხდომაზე. ის განმარტებები, რომელიც ვენეციის კომისიამ გააკეთა აღნიშნული პროექტის შესახებ, საერთო ჯამში, ჩვენთვის სრულიად მისაღებია და მე კმაყოფილი ვარ იმით რა დასკვნაც დაიდო", - ამის შესახებ განცხადება უზენაესი სასამართლოს თავმჯდომარემ, კონსტანტინე კუბლაშვილმა გააკეთა.

კუბლაშვილმა ვენეციის კომისიის დასკვნის ის ვარიანტი წარმოადგინა, რომელიც ვენეციის კომისიის სხდომაზე, მიმდინარე წლის 8 მარტს განსახილველად დაურიგდა ვენეციის კომისიის წევრებს.

მისი თქმით, რამდენიმე საკითხში ვენეციის კომისიის დასკვნის შინაარსი და ქართული მხარის მოსაზრებები ერთმანეთს დაემთხვა. როგორც კუბლაშვილმა აღნიშნა, ვენეციის კომისიის მოსაზრება იმ საკითხზე, რაც უზენაეს სასამართლოსა და აღმასრულებელ-საკანონმდებლო სასამართლოებს შორის კამათს იწვევდა, ისე შეაფასა, როგორც ქართული მხარის მოსაზრებებში იყო აღნიშნული.

ვენეციის კომისიის დასკვნა, დღეს ან ხვალ ოფიციალური სახით გამოქვეყნდება ვენეციის კომისიის ვებ გვერდზე და ყველას ექნება საშუალება გაეცნოს მის შინაარსს.

 

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.49
  • 2.93
  • 3.28
  • 0.04
  • 0.68
  • 1.46