სირცხვილი იმ ხალხს, ვინც ლეგენდარული ანსამბლი ერთი ხელის მოსმით ლაფში ამოსვარა - ედუარდ შევარდნაძე

ორშაბათი, 11 მარტი, 2013 - 13:42

სირცხვილი იმ ხალხს, ვინც ეს ლეგენდარული ანსამბლი, მისი მოცეკვავეები ასე ერთი ხელის მოსმით ლაფში ამოსვარა, - ასე გამოეხმაურა საქართველოს ექსპრეზიდენტი ედუარდ შევარდნაძე სახელმწიფო ანსამბლ ”ერისიონის”  რუსეთში გამართული კონცერტების გაპროტესტებას.

ექს-პრეზიდენტის ინტერვიუ გაზეთ ”ასავალ-დასავალში” გამოქვეყნდა.

”„თუ სწორად მახსოვს, 2008 წლის აგვისტოში ტერიტორიები ჭკუასელის გამო არ დაგვიკარგავს. ცხინვალი, შემდეგ კოდორი სააკაშვილის უპასუხისმგებლო ქმედებებმა დაგვაკარგვინა და შესაბამისი დასკვნაც არსებობს საკმაოდ ავტორიტეტული კომისიის, რომ პირველი სააკაშვილმა გაისროლა. თუ ახლა ხელოვანები, კულტურის მოღვაწეები ცდილობენ, გამოასწორონ ის, რაც სააკაშვილმა გააფუჭა, მე ამას მხოლოდ მივესალმები. მივესალმები „ერისიონის" ვაჟკაცურ გადაწყვეტილებას. ჯემალ ჭკუასელი ნამდვილი ვაჟკაცია, ნამდვილი ქართველი და თავისი ქვეყნის საწინააღმდეგო ნაბიჯს არასდროს გადადგამს. ჩვენს კულტურას და ხელოვნებას ჩვენი ქვეყნისთვის ფასდაუდებელი სამსახურის გაწევა შეუძლია და ამაში მალე დავრწმუნდებით. სირცხვილი იმ ხალხს, ვინც ეს ლეგენდარული ანსამბლი, მისი მოცეკვავეები ასე ერთი ხელის მოსმით ლაფში ამოსვარა",– აცხადებს ექსპრეზიდენტი.

შეგახსენებთ, რომ „ერისიონმა" კონცერტი რუსეთის რამდენიმე ქალაქში, მათ შორის, კრემლის დიდ სახელმწიფო დარბაზშიც გამართა. აღნიშნულს ქართულ ასაზოგადოებაში არაერთგვაროვანი რეაქცია მოჰყვა. სახელმწიფო ანსამბლი საქართველოში ხვალ ბრუნდება. მოქალაქეთა ერთი ჯგუფი აეროპორტში მისვლას და სოლიდარობის გამოცხადებას გეგმავს, ნაწილი კი მათთვის „სირცხვილის კორიდორის" მოწყობას აპირებს.

მსგავსი სიახლეები

სოციალური ქსელი

ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე იმედია, არ დადასტურდება არაოფიციალური ინფორმაცია - ნანუკა ჟორჟოლიანი მთავრობას მიმართავს გაიღვიძეთ რა!!! რამ დაგადუმად, რამ დაგაგლახავად ასე! იმოქმედეთ რა!!! - გია მაისაშვილი მაშინ როდესაც ბარბარეს სიცოცხლე ქვევრში ჩაკალით?! აბა, გაბედეთ და იმ ქვევრს ახადეთ თავსახური... - სულა სულაშვილი

გამოკითხვა

ვალუტა

  • 2.68
  • 3.15
  • 3.61
  • 0.05
  • 0.7
  • 1.58