საკრებულოს წევრს დავით წერეთელს ღამის 12 საათამდე კითხავდნენ

ორშაბათი, 11 მარტი, 2013 - 12:49

ფინანსთა სამინისტროს საგამოძიებო სამსახურში, ქალაქ თბილისის ურბანული განვითარების და ძველი თბილისის რეაბილიტაციის კომისიის თავმჯდომარეს დავით წერეთელს ღამის 12 საათამდე კითხავდნენ.

დავით წერეთელს საგამოძიებო სამასახურის დატოვების შემდეგ დეტალებზე არ უსაუბრია, თუმცა განაცხადა რომ მისი დაბარება არ უკავშირდებოდა "თბილსერვის ჯგუფს’’ და გამოძიება მისი პარტიული საქმიანობით იყო დაინტერესებული.

"დღის 4 საათისთვის ტელეფონით დამიკავშირდნენ და მითხრეს, რომ გამომძიებელ გიორგი ბადაშვილს სურდა ჩემთან გასაუბრება. რაიონში ვიყავი, მაგრამ მაშინვე წამოვედი, რომ მათთვის ხელი არ შემეშალა. გამოძიების ინტერესებიდან გამომდინარე, სამწუხაროდ ვერ ვიტყვი, თუ რა საკითხთან დაკავშირებით დამიბარეს, თუმცა მიმაჩნია, ჩემს ნაცვლად აქ რომ ყოფილიყო ჩვენი პარტიის უფრო მაღალი რანგის წარმომადგენელი, რომელიც მეტად კომპეტენტურია, უფრო ამომწურავ პასუხებს მიიღებდნენ და ამით არ შეუშლიდნენ ხელს დედაქალაქში მიმდინარე მნიშვნელოვანი საკითხების გადაჭრასა და პრობლემების მოგვარებას, რითაც თბილისის საკრებულოა დაკავებული“,– განაცხადა დავით წერეთელმა.

დავით წერეთელი 2006 წლიდან ქალაქ თბილისის საკრებულოს წევრია. ბოლო მოწვევის საკრებულოში კი იგი ქალაქ თბილისის ურბანული განვითარების და ძველი თბილისის რეაბილიტაციის კომისიის თავმჯდომარის პოსტს იკავებს.

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.49
  • 2.93
  • 3.28
  • 0.04
  • 0.68
  • 1.46