ძალიან ვწუხვარ, ჩემო მაყურებლებო, რაც მოხდა ეთერში - ვახო სანაია

შაბათი, 09 მარტი, 2013 - 18:25

დაცემა „ღია ეთერის“ წამყვანი" ვახო სანაია გადაცემის ეთერში გუშინ მომხდარ ინცინდენტს, facebook-ით გამოეხმაურა. სანაიას განნმარტებით, მისი მხრიდან დამატებითი აპელირება ამ ეპიზოდზე, დისკუსიის სულ სხვა კალაპოტში გადაყვანას გამოიწვევდა.

"ყველა ადამიანი თავად წყვეტს, რა ლექსიკა უნდა გამოიყენოს ამა თუ იმ სიტუაციაში. ასევე, ყველა ადამიანი თავად წყვეტს, უპასუხოს თუ არა ოპონენტს, როცა ფიქრობს, რომ შეურაცხყოფა მიაყენეს. კიდევ ერთხელ განვმარტავ: ლაშა ჟვანიას ჰქონდა შესაძლებლობა კახა ბენდუქიძისთვის მომენტალურად ეპასუხა. უფრო მეტიც, პროდიუსერმა საგანგებოდ შესთავაზა ეპასუხა ბენდუქიძისთვის. ლაშამ უარი თქვა. ჩემი მხრიდან დამატებითი აპელირება ამ ეპიზოდზე, ვფიქრობ, გამოიწვევდა დისკუსიის სულ სხვა კალაპოტში გადაყვანას. მე გადაცემაში ვიწვევ ზრდასრულ ადამიანებს და თავიანთ სიტყვებსა ან დუმილზე ისინი თავად არიან პასუხისმგებელნი. ბენდუქიძემ თქვა, ის, რაც თქვა. ჟვანიამ არჩია ღია ეთერში დუმილი და მოგვიანებით ფეისბუქის საშუალებით პასუხის წერილობით გაცემა. მან ასე გადაწყვიტა. რაც შემეხება მე, რადგან თავად ადრესატმა აღარ მოინდომა ეთერში პასუხის გაცემა, მეც აღარ გავამწვავე, დარწმუნებული ვარ ამ ეპიზოდზე ფოკუსირება სულ სხვა ვითარებას შექმნიდა და უფრო დაძაბავდა ვითარებას, თან გადაცემაც ფაქტობრივად უკვე მთავრდებოდა. ამასთან, მესმის მათი, ვინც ამბობს, რომ კორექტულობისკენ უნდა მომეწოდებინა, თუმცა ვერ ვხდები, როცა უკვე ნათქვამია სიტყვა, ეს ჩემი მოწოდება რა შედეგის მომტანი იქნებოდა - ალბათ არანაირის. მაგრამ იმ ნაწილს, ვინც ასე ფიქრობს, მესმის მათი და ვიმეორებ, ძალიან ვწუხვარ. ცოტა ხნის წინ ვესაუბრე ლაშა ჟვანიას და ვუთხარი ეს ყველაფერი, რაც აქ დავწერე. მოვისმინე მისი პოზიციაც, რაც მან თავის გვერდზეც დაწერა... აქვე ვიტყვი, რომ გულწრფელად, ძალიან ვწუხვარ, ჩემო მაყურებლებო, რაც მოხდა. ყურადღებით ვკითხულობ თქვენს ყველა მოსაზრებას გადაცემის ფეისბუქის გვერდზე, ასევე ჩემს პირად გვერდებზე და მიყვარხართ ძალიან:)"- ვახო სანაია facebook -ზე.

შეგახსენებთ, პოლიტიკურ თოკ-შოუ "ღია ეთერში" სტუმრად მოწვეულმა კახა ბენდუქიძემ პირდაპირ ეთერში პრეზიდენტი მიხეილ სააკაშვილი, ლაშა ჟვანიას მინისტრად დანიშვნის გამო გააკრიტიკა და ჟვანიას უხამსი სიტყვით მიმართა.

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5