აჭარის ფინანსთა სამინისტროში ბიუჯეტის დაგეგმვის შესახებ პრეზენტაცია გაიმართა

შაბათი, 09 მარტი, 2013 - 17:06

USAID დემოკრატიული ჩართულობის ცენტრში, დღეს, ბათუმში, აჭარის ავტონომიური რესპუბლიკის ფინანსთა და ეკონომიკის სამინისტრომ გამართა შეხვედრა არასამთავრობო ორგანიზაციების წარმომადგენლებთან და დაინტერესებულ მხარეებთან. შეხვედრაზე აჭარის ავტონომიური რესპუბლიკის მთავრობის იმ ინიციატივის პრეზენტაცია გაიმართა, რომელიც აჭარის ავტონომიური რესპუბლიკის ბიუჯეტის დაგეგმვის პროცესში საზოგადოებრივი ჩართულობის გაძლიერებას შეეხება.

შეხვედრაზე მხარეები შეთანხმდნენ, რომ რეგულარულად მიიღებენ მონაწილეობას აჭარის ავტონომიური რესპუბლიკის ბიუჯეტის დაგეგმვის პროცესში.

დაგეგმილი შეხვედრის მიზანი იყო საზოგადოების ინფორმირებადა სამოქალაქო ჩართულობის მექანიზმების განხილვა ზემოხსენებული ინიციატივის შესახებ.

შეხვედრას აჭარის ავტონომიური რესპუბლიკის ფინანსთადა ეკონომიკის მინისტრის მოადგილე რამაზ ბოლქვაძე უძღვებოდა. ღონისძიებაზე დეტალურად განხილულ იქნა ბიუჯეტის ფორმირების პროცესში დაინტერესებულ მხარეთა ჩართულობის უზრუნველყოფა. რამაზ ბოლქვაძის განცხადებით, აჭარის ავტონომიური რესპუბლიკის მთავრობის მიზანია შეიმუშავოს მოქალაქეთა საჭიროებებზე ორიენტირებული ეფექტური ბიუჯეტი.

"დღევანდელი შეხვედრა 3 მარტის შეხვედრის ერთგვარ გაგრძელებას წარმოადგენდა. მთავრობის თავმჯდომარემ ერთ-ერთ პრიორიტეტად საზოგადოებასთან პერმანენტული კომუნიკაცია, ჩართულობის გაძლიერება და სახელმწიფო დაწესებულებების გამჭირვალობის უზრუნველყოფა დასახა. ჩვენ გვინდა, რომ აჭარის ავტონომიური რესპუბლიკის ბიუჯეტის შემუშავების დროს რაც შეიძლება ბევრ ადამიანთან და დაინტერესბულ მხარესთან გვქონდეს კონსულტაციები, რათა შევიმუშავოთ საზოგადოების საჭიროებებზე ორიენტირებული რესპუბლიკური ბიუჯეტი". - აღნიშნა მან.

 

 

მსგავსი სიახლეები

სოციალური ქსელი

როცა ბოროტი რეჟიმი ინგრევა, კაცი ამ ბოროტებას სწორედ მაშინ არ უნდა წაეშველოს. თან, მთელი 20 000 ლარით - ირმა ინაშვილი მამუკა ბახტაძეზე ძალიან სამარცხვინოა - მერაბ მეტრეველი პრემიერ-მინისტრობის კანდიდატზე ბიძინას ტვინის ვისაც გჯერათ, მერე მელაპარაკეთ, სასიძოს პრემიერად რომ წარადგენს - ნიკა გვარამია არ მგონია მასზე ხელის შეწმენდა სამართლიანი იყოს - კობა დავითაშვილი პრემიერ-მინისტრის გადადგომაზე მთავრობის გადადგომას რა ლეგიტიმაციით ითხოვთ თქვე ,,გოუცრელი ჭადით გაზრდილებო"?! - ჯაბა ხუბუა ეშმაკთან რომ პირი შეკარი შენ, "ქართულო ოცნებავ", ეს ღუპავს ქვეყანას - ირმა ინაშვილი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.46
  • 2.86
  • 3.26
  • 0.04
  • 0.52
  • 1.45