კორკოტა ტელევიზიებს ბოიკოტს უცხადებს

შაბათი, 09 მარტი, 2013 - 12:46

"ტელევიზია როცა მხარეა და მოვლენებს ისე აშუქებს, როგორც აწყობს, ასეთ ტელევიზიებს ბოიკოტს გამოვუცხადებ. არ მომწონს მათი მუშაობა. ბოიკოტს მას შემდეგ გამოვუცხადებ, რაც ისინი საზოგადოების წინადადებებს არ მიიღებენ. საზოგადოება მათი მუშაობით უკმაყოფილოა", - ამის შესახებ " ჯეონიუსს" რადიო "საქართველოს ხმის" გადაცემა "კორკოტას დილას" წამყვანმა გიორგი კორკოტაშვილმა გამუცხადა.

მისი თქმით, არსებითი მნიშვნელობა არ აქვს, რომელ ტელევიზიაზეა საუბარი, თუ ის მხარეს წარმოადგენს და დამახინჯებულ ინფორმაციას აწვდის საზოგადოებას. როგორც კორკოტა აცხადებს, ახალი ამბები კომენტარის გარეშე უნდა გავიდეს იმიტომ, რომ წამყვანის თითოეულ ბგერას შეუძლია საზოგადოება ერთი პოზიციიდან მეორე პოზიციაზე გადახაროს.

"ტელევიზიაში შეიძლება იყოს გადაცემა, სადაც მავანმა და მავანმა თქვას თავისი მოსაზრება, მაგრამ როცა ახალი ამბებია, საინფორმაციოა, იქ საჭიროა ფაქტების კონსტანტირება და არა დამახინჯება. ფაქტების დამახინჯება ხდებოდა და ახლაც იგივე ხდება",  -აცხადებს კორკოტაშვილი.

მისივე თქმით, საზოგადოება ბოლო 20 წლის განმავლობაში ისე გამოიწრთო, რომ ზუსტად ხვდება ტელევიზია ფაქტებს დებს თუ მხარეა. კორკოტაშვილის განცხადებით, დღეს საქართველოში ყველა მაუწყებელი დაუბალანსებელია და ოპოზიციური არხები ცდილობენ დაგვანახონ როგორი ცუდები არიან დღევანდელი ხელისუფალნი, სახელისუფლო არხები კი საპირისპიროს ამტკიცებენ.

გიორგი კორკოტაშვილი თვლის, რომ ამ პრობლემის გადასაჭრელად საჭიროა დაბალანსებული ინფორმაცია. საჭიროა საინფორმაციო გამოშვებები, რომლებიც მხოლოდ ფაქტებს მიაწვდიან საზოგადოებას და სადაც პოზიცია არ იქნება დაფიქსირებული.

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.46
  • 3.08
  • 3.47
  • 0.04
  • 0.66
  • 1.45