ირაკლი ღარიბაშვილმა შს სამინისტროს ქალი თანამშრომლები დააჯილდოვა

პარასკევი, 08 მარტი, 2013 - 15:41

შინაგან საქმეთა მინისტრმა ირაკლი ღარიბაშვილმა თანამშრომელ ქალებს 8 მარტი პირადად მიულოცა. მინისტრმა პირადად დააჯილდოვა სამინისტროს 47 თანამშრომელი ქალბატონი და პირადად გადასცა მედალი.

ღარიბაშვილმა მილოცვისას ხაზგასმით აღნიშნა ქალების განსაკუთრებული როლი სამინისტროს ყოველდღიურ, წარმატებულ საქმიანობაში და განაცხადა, რომ მომავალი ორი წლის განმავლობაში სამინისტროში მომუშავე ქალბატონების რიცხვი 12-დან 20 პროცენტამდე გაიზრდება.

"ვაღიარებ, რომ თქვენ ხართ სამინისტროს საამაყო თანამშრომლები და თქვენი როლი ჩვენი უწყებისთვის განსაკუთრებულად მნიშვნელოვანია. სწორედ ამიტომაც ჩემი სურვილი იყო, რომ დღევანდელი დღე პირადად მომელოცა. გავარკვიე, რომ სამინისტროში ამჟამად თანამშრომელთა მხოლოდ 12,5%-ს შეადგენს ქალების რაოდენობა. ჩემი ერთ-ერთი მთავარი სურვილი და პრიორიტეტია, რომ შემდეგი ორი წლის განმავლობაში ქალთა რაოდენობა 20%-მდე გავზარდო, ასევე ჩემი სურვილია, ქალები იყვნენ თანასწორნი კარიერულ წინსვლაში", - აღნიშნა ღარიბაშვილმა.

შინაგან საქმეთა მინისტრის გადაწყვეტილებით, ყოველი წლის 8 მარტს თანამშრომელი ქალების განსაკუთრებული დამსახურებისთვის დაჯილდოება შს სამინისტროში ტრადიციად დამკვიდრდება.

შინაგან საქმეთა სამინისტროში წელს პირველად აღინიშნა ქალთა საერთაშორისო დღე - 8 მარტი.

 

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5