გიგი უგულავამ და თომას ჰამერბერგმა ადამიანის უფლებების დაცვაზე ისაუბრეს

პარასკევი, 08 მარტი, 2013 - 15:06

თბილისის მერი, გიგი უგულავა ევროკავშირის მრჩეველს ადამიანის უფლებების საკითხებში, თომას ჰამერბერგს შეხვდა. მათ საქართველოში მიმდინარე პოლიტიკურ მოვლენებსა და ადამიანის უფლებების დაცვაზე ისაუბრეს. " ახლა შევხვდი ოპოზიციის ერთ-ერთ ლიდერს, თბილისის მერს. განვიხილეთ კოჰაბიტაციის საკითხი და ის, თუ როგორ უნდა წარიმართოს დიალოგი ოპოზიციასა და მთავრობას, ქალაქისა და ცენტრალური ხელისუფლების წარმომადგენლებს შორის, რათა დღის წესრიგში არსებული პრობლემები კონსტრუქციული გზით მოგვარდეს."-აღნიშნა თომას ჰამერბერგმა.

გიგი უგულავას თქმით, მნიშვნელოვანია, თომას ჰამერბერგს ჰქონდეს სრულფასოვანი ინფორმაცია იმ პრობლემებთან დაკავშირებით, რაც დღეს მთელი საქართველოს მასშტაბით აქვს თვითმმართველობებს.

"ჩვენ პარტნიორებთან ერთად ვცდილობთ მოვძებნოთ ის საერთო, რომლითაც თანაარსებობა სხვადასხვა პოლიტიკური ძალებს შორის იქნება ცივილიზებული და ნორმალური. და ამ კუთხით მე ჩემი მოსაზრებები გავუზიარე თომას ჰამარბერგს, რაც, ვფიქრობ, საბოლოო ჯამში, მისი საქართველოში ოთხთვიანი მოღვაწეობის შედეგებზე აისახება", -განაცხადა გიგი უგულავამ.

თბილისის მერის თქმით, ზეწოლა ხორციელდება ყველა მიმართულებით. "მინდა აღვნიშნო, რომ თუ არსებობს ლეგიტიმური შეკითხვები, ჩვენ მზად ვართ თითოეულ მათგანზე გავცეთ პასუხი, მაგრამ,  ბუნებრივია, ის ფორმა, რა ფორმითაც ეს ყველაფერი ხორციელდება,  ბადებს ეჭვს, რომ ეს არის ჩვეულებრივი პოლიტიკური რეპრესიები, განსხვავებული პოლიტიკური მოსაზრებების მქონე სუბიექტების მიმართ. ეს საერთაშორისო საზოგადოებას კარგად ესმის", -აღნიშნავს უგულავა.

ცნობისთვის, თომას ჰამარბერგის ვიზიტის მიზანი ქვეყანაში მიმდინარე პოლიტიკური მოვლენების გაცნობა და რეკომენდაციების შემუშავებაა. აღნიშნული მისიის ფარგლებში შეხვედრები ოთხი თვის განმავლობაში გაგრძელდება.

 

 

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5