ალექსი პეტრიაშვილი შვედეთის სამეფოში ორმხრივ შეხვედრებს მართავს

პარასკევი, 08 მარტი, 2013 - 13:30

ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ალექსი პეტრიაშვილი შვედეთის სამეფოში სამუშაო ვიზიტით იმყოფება. სახელმწიფო მინისტრი შვედეთის პარლამენტის საგარეო ურთიერთობების კომიტეტის თავმჯდომარეს ჰანს ვოლმარს და კომიტეტის თავმჯდომარის მოადგილეს ურბან ალენს შეხვდა. ასევე, სახელმწიფო მინისტრს შვედეთის პარლამენტის თავდაცვის კომიტეტის თავმჯდომარეს პეტერ ჰალქვისტმა უმასპინძლა.

სახელმწიფო მინისტრმა შვედურ მხარეს მადლობა გადაუხადა საქართველოს სუვერენიტეტისა და ტერიტორიული მთლიანობის ურყევი მხარდაჭერისა და საქართველოს ოკუპირებული რეგიონების არაღიარების პოლიტიკის გატარებასთან დაკავშირებით.

შეხვედრაზე ალექსი პეტრიაშვილმა საქართველოს საგარეო -პოლიტიკური პრიორიტეტების შესახებ ისაუბრა. სახელმწიფო მინისტრმა აღნიშნა, რომ ამ მიმართულებით საქართველოს პოლიტიკა უცვლელია და ქვეყანა განაგრძობს სწრაფვას ევროკავშირსა და ნატოში ინტეგრაციისკენ.

შვედ პარლამენტარებს მიეწოდათ ინფორმაცია ამ მიმართულებით განხორციელებული და დაგეგმილი ღონისძიებების შესახებ, კერძოდ, საქართველოს ხელისუფლების გეგმაზე, დაასრულოს ევროკავშირთან ასოცირების შეთანმებაზე, ღრმა და ყოვლისმომცველი თავისუფალი სავაჭრო სივრცის შესახებ შეთანხმების ჩათვლით მიმდინარე მოლაპარაკებები და მნიშვნელოვან პროგრესს მიაღწიოს სავიზო ლიბერალიზაციის საკითხებში, რომლის სამოქმედო გეგმაც ცოტა ხნის წინ გადაეცა ქართულ მხარეს.

დღესვე სახელმწიფო მინისტრი სიტყვით გამოვიდა შვედეთის უსაფრთხოებისა და განვითარების სტრატეგიის ინსტიტუტის მიერ ორგანიზებულ შეხვედრაზე. ადგილობრივი არასამთავრობო ორგანიზაციებისა და საერთაშორისო კვლევითი ინსტიტუტების წარმომადგენლების წინაშე ალექსი პეტრიაშვილმა საქართველოს საგარეო-პოლიტიკურ პრიორიტეტებსა და გამოწვევებზე ისაუბრა და შეხვედრის მონაწილეების შეკითხვებსაც უპასუხა.

შეხვედრაზე მხარეებმა პარლამენტთაშორისი თანამშრომლობის საკითხები განიხილეს. ალექსი პეტრიაშვილმა შევდეთის მხარეს მადლობა გადაუხადა 2012 წლის საპარლამენტო არჩევნებზე შვედი დამკვირვებლების გამოგზავნისთვის და იმედი გამოთქვა, რომ შვედეთის ხელისუფლება მომავალშიც მხარს დაუჭერს საქართველოში დემოკრატიული რეფორმების განხორციელების პროცესს. საქართველოში მიმდინარე შიდა-პოლიტიკურ საკითხებზე საუბრისას სახელმწიფო მინისტრმა ყურადღება საქართველოში ადამიანის უფლებათა დაცვის კუთხით განხორციელებულ ღონისძიებებზე გაამახვილა და ახალი ხელისუფლების 100-დღიანი მოღვაწეობის შედეგები შეაჯამა.

შვედეთში სამუშაო ვიზიტის ფარგლებში სახელმწიფო მინისტრს, ასევე, დაგეგმილი აქვს შეხვედრა შვედეთის სამეფოს საგარეო საქმეთა სახელმწიფო მდივანთან ფრაკ ბელფრეგთან და თავდაცვის მინისტრ კარინ ენსტრომთან.

 

მსგავსი სიახლეები

სოციალური ქსელი

ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი ივანიშვილის გარეშე დიდხანს ვერ დარჩებიან ხელისუფლებაში, მაგრამ ბევრის გაფუჭებას მოასწრებენ - მამუკა გამყრელიძე საჯაროდ გპირდები, ძალიან მალე ეს ქვეყანა შენგან გათავისუფლდება!!!! - ელისო კილაძე დღეს, ვინც ქოცების კრიტიკისთვის ტაშს მიკრავთ, ხვალ ნაცების გაკრიტიკებისთვის დედას მაგინებთ - სულა სულაშვილი ქვეყანა ღერძიდან გადაღუნა და ესენი ღლიცინებენ, ბიძინა "ხიხო" არისო - სულა სულაშვილი ან მე გავგიჟდი, ანდა იურისტთა უმრავლესობას „მარტივი ჭეშმარიტების დანახვა და აღიარება“ არ სურს - გიორგი მარიამიძე

გამოკითხვა

ვის ისურვებდით დედაქალაქის მერად

ვალუტა

  • 2.41
  • 2.69
  • 3.05
  • 0.04
  • 0.68
  • 1.42