ანდრო ბარნოვი დემოკრატიული ჩართულობის ცენტრების წარმომადგენლებს შეხვდა

ხუთშაბათი, 07 მარტი, 2013 - 19:35

შიდა ქართლის გუბერნატორი ანდრო ბარნოვი დემოკრატიული ჩართულობის ცენტრების დირექტორს, ნინო ჟვანიას და გორის ოფისის კოორდინატორებს შეხვდა. ცენტრების წარმომადგენლები გუბერნატორს გორის ცენტრის საქმიანობაზე ესაუბრნენ და აქტივობების სტატისტიკა გააცნეს. ნინო ჟვანიამ ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებული პროექტის მნიშვნელობაზე ისაუბრა და აღნიშნა, რომ ქვეყნის მასშტაბით ათი ცენტრი ფუნქციონირებს და პროექტის მიზანი დემოკრატიული დიალოგის ხელშეწყობა და წარმართვაა.

ჩართულობის ცენტრები სამოქალაქო საზოგადოების წარმომადგენლებს, ადგილობრივ და რეგიონულ მთავრობას, არასამთავრობო ორგანიზაციებს, მედიას და პოლიტიკურ პარტიებს სთავაზობს სივრცეს შეხვედრების, დისკუსიების, განხილვებისა და პრესკონფერენციების გასამართად მათთვის მნიშვნელოვან საკითხებზე. ნინო ჟვანიას თქმით, გორის ჩართულობის ცენტრი წელიწადზე მეტია ფუნქციონირებს და შეხვედრების სიმრავლით გამოირჩევა, თუმცა ამ ხნის მანძილზე ადგილობრივი მთავრობის აქტიურობა ნაკლებად ჩანდა.

ანდრო ბარნოვის განცხადებით, გორის დემოკრატიული ჩართულობის ცენტრი ძალიან დაეხმარა მას ადგილობრივ არასამთავრობო ორგანიზაციების გაცნობაში და აღნიშნა, რომ ნებისმიერ დისკუსიასა და შეხვედრაში მიიღებს მონაწილეობას, სადაც საზოგადოების მხრიდან მისი ჩართულობის ინტერესი იქნება.

 

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.56
  • 3.03
  • 3.44
  • 0.04
  • 0.67
  • 1.51