ბაჩო ახალაია ციხიდან განცხადებას ავრცელებს

ოთხშაბათი, 06 მარტი, 2013 - 21:36

უფლებადამცველი თეა თუთბერიძე, ყოფილი თავდაცვის მინისტრის ბაჩო ახალაიას  განცხადებას ავრცელებს. ყოფილი თავდაცვის მინისტრი ირაკლი ალასანიას და ირაკლი სესიაშვილს უპასუხისმგებლო განცხადებების გავრცელებაში ადანაშაულებს.

"ჯეონიუსი" განცხადების ტექსტს უცვლელად გთავაზობთ.

"დღეს ჩემთვის საპატიმროში მედიის საშუალებით გახდა ცნობილი იმ ბრალდებების შესახებ, რაც წამოაყენეს დღევანდელი ხელისუფლების წარმომადგენლებმა, მათ შორის, ბატონებმა, ირაკლი ალასანიამ და ირაკლი სესიაშვილმა.

საზოგადოებისთვის ცნობილია, რომ ირაკლი ალასანია გამოირჩევა უპასუხისმგებლო განცხადებებით. იგი მე და ჩემს ოჯახს არჩევნებამდე, ღიად გვდებდა ბრალს გაურკვეველი უკანონო შეიარაღებული ფორმირებების შექმნაში და „ქართული ოცნების“ გამარჯვების შემთხვევაში, მათი გამოყენებით ქვეყანაში არეულობის ორგანიზების მცდელობაში. დღეს საზოგადოებამ დაინახა, რომ ეს ინფორმაცია იყო ტყუილი და მიზნად ისახავდა წინასაარჩევნოდ პოლიტიკური დივიდენდების მიღებას. სწორედ ასეთივე უპასუხისმგებლო განცხადებად შეიძლება ჩაითვალოს დღევანდელი განცხადებები იმის თაობაზე, რომ 2009 წლიდან 1012 წლამდე ქართულ ჯარში არაფერი გაკეთებულა ჯარის გაძლიერებისა და ჯარისკაცებისათვის პირობების გაუმჯობესების კუთხით.

თავდაცვის სამინისტროში ჩახედული პირების მხრიდან, როგორც მინიმუმ უსინდისობაა ამაზე საუბარი, ვინაიდან მე და ნებისმიერ სამხედრო პირს, კანონი გვიკრძალავს თუნდაც იმ დაცვისა და თავდაცვის ზღუდეებზე საუბარს, რომელიც ჩვენს ქვეყანას, ქალაქებს და თვითოეულ ჯარისკაცს მატებს უდიდეს ძალას და ნებისმიერი აგრესიის შემთხვევაში დღეს საქართველო არის უფრო დაცული, ვიდრე იგი იყო 2008 წლამდე.

სწორედ ამ პერიოდში იყო ყოველდღიური შრომა იმისათვის, რომ როგორც ჯარისკაცებს, ასევე ოფიცრებს შექმნოდათ უკეთესი პირობები, ვინაიდან ეს ადამიანები სახელმწიფო სადარაჯოზე იდგნენ. მე მუდამ მათთან ვიყავი და არმია იყო ჩემი ოჯახი. სწორედ მათთან ერთად ვიზიარებდი ნებისმიერ სიხარულსა და მწუხარებას. ჩემი სიამაყეა და შვილივით მიყვარს ის სამხედრო აკადემია და კადეტთა სკოლა, რომელიც ჩემი მინისტრობის პერიოდში აშენდა და მას ანალოგი არ მოეპოვება ყოფილ საბჭოთა და აღმოსავლეთ ევროპის ქვეყნებში. ზოგიერთი დღევანდელი მაღალჩინოსანი აკადემიის და კადეტთა სკოლის ხილვის დროს აღფრთოვანებას ვერ მალავდნენ (ბიძინა ივანიშვილი და გიორგი მარგველაშვილი). ვამაყობ, რომ ჩემი მინისტრობის პერიოდში გახდა სამხედრო განათლება და სამხედრო სამსახური პრესტიჟული. 2009-2012 წლებს უკავშირდება სამხედრო მრეწველობის განვითარება საქართველოში, რისი შედეგიც გახლავთ თვითმავალი რეაქტიული საარტილერიო დანადგარი, უპილოტო საფრენი აპარატი, ავტომატური შაშხანა G5, ტანკსაწინააღმდეგო ყუმბარმტყორცნი, ნაღმტყორცნები, პირველი ქართული მსუბუქი ჯავშანტრანსპორტიორი დიდგორი, ქვეითი საბრძოლო მანქანა ლაზიკა და სხვა.

გარდა ამისა, მინდა აღვნიშნო, რომ დღევანდელი ხელისუფლების მაღალჩინოსნებისაგან განსხვავებით, არასოდეს საკუთარი თავისთვის პრემია არ გამომიწერია. რაც შეეხება იმ ავტომობილებს, სამუშაო ოთახს და მათ კეთილმოწყობას, მე მესმის დღევანდელი თავდაცვის მინისტრის, რომელიც ვერ იგებს თუ რატომ იყო აღნიშნული ნივთები ეფექტური მუშაობისათვის საჭირო, რადგან დანამდვილებით შემიძლია გითხრათ, რომ დღევანდელი მინისტრი სამუშაო ოთახში ატარებს დღეში მაქსიმუმ 5 საათს და ასევე დანამდვილებით გეტყვით, რომ 6 თვის მუშაობის მანძილზე ჯერ ნახევარიც კი არ აქვს ნანახი იმ ბრიგადებისა, რომელიც ეკუთვნის თავდაცვის სამინისტროს.

მიუხედავად ყოველივე ზემოთაღნიშნულისა, ჩემი გულისტკივილია, რომ თავდაცვის სამინისტროში დარჩა არაერთი პრობლემა, რომელიც მოითხოვდა მოგვარებას და ჩვენ ვხედავთ, რომ ამ პრობლემების გადაჭრის ნაცვლად დღევანდელი ხელისუფლება ჯარისკაცის პრობლემებს იყენებს საკუთარი პოლიტიკური პიარისთვის", - ნათქვამია ახალაიას განცხადებაში.

 

მსგავსი სიახლეები

სოციალური ქსელი

ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი ივანიშვილის გარეშე დიდხანს ვერ დარჩებიან ხელისუფლებაში, მაგრამ ბევრის გაფუჭებას მოასწრებენ - მამუკა გამყრელიძე საჯაროდ გპირდები, ძალიან მალე ეს ქვეყანა შენგან გათავისუფლდება!!!! - ელისო კილაძე დღეს, ვინც ქოცების კრიტიკისთვის ტაშს მიკრავთ, ხვალ ნაცების გაკრიტიკებისთვის დედას მაგინებთ - სულა სულაშვილი ქვეყანა ღერძიდან გადაღუნა და ესენი ღლიცინებენ, ბიძინა "ხიხო" არისო - სულა სულაშვილი ან მე გავგიჟდი, ანდა იურისტთა უმრავლესობას „მარტივი ჭეშმარიტების დანახვა და აღიარება“ არ სურს - გიორგი მარიამიძე

გამოკითხვა

ვის ისურვებდით დედაქალაქის მერად

ვალუტა

  • 2.41
  • 2.69
  • 3.07
  • 0.04
  • 0.69
  • 1.43