მოხარული ვართ, რომ პრემიერ-მინისტრის მხრიდან პოზიტიური განცხადებები მოვისმინეთ - ნინო კალანდაძე

ოთხშაბათი, 06 მარტი, 2013 - 19:51

სასამართლოს დამოუკიდებლობა, ისევე როგორც მედიაში ჩაურევლობა, პრეზიდენტისა და პრემიერ-მინისტრის შეხვედრისას ერთ-ერთ მნიშვნელოვან განსახილველ საკითხს წარმოადგენდა, - ამის შესახებ საქართველოს პრეზიდენტის მრჩეველმა ნინო კალანდაძემ დღეს ხელისუფლებასა და ოპოზიციას შორის მიმდინარე დიალოგის შეფასებისას ბრიფინგზე გააკეთა.

„მინდა გაცნობოთ, რომ ჩვენ უაღრესად დადებითად ვაფასებთ იმ პოზიტიურ სიგნალებსა და ტენდენციებს, რომლებიც პრეზიდენტისა და პრემიერ-მინისტრის შეხვედრის შემდეგ იკვეთება. კერძოდ, ვგულისხმობ მზაობას, გაკეთდეს პრეზიდენტისა და პრემიერ-მინისტრის ერთობლივი განცხადება საგარეო კურსის უცვლელობის თაობაზე. ასევე უზენაესი სასამართლოს თავმჯდომარისა და პრემიერ-მინისტრის შეხვედრას და ამ შეხვედრის შედეგად პრემიერ-მინისტრის მიერ გაკეთებულ განცხადებებს. ხაზი უნდა გაესვას იმას, რომ სასამართლოს დამოუკიდებლობა, ისევე როგორც მედიაში ჩაურევლობა, წარმოადგენდა ერთ-ერთ მნიშვნელოვან განსახილველ საკითხს პრეზიდენტისა და პრემიერ-მინისტრის შეხვედრისას და ჩვენ მოხარული ვართ, რომ პრემიერ-მინისტრის მხრიდან დღეს პოზიტიური განცხადებები მოვისმინეთ.

ჩვენ იმედს გამოვთქვამთ, რომ ეს განცხადებები არ დარჩება სიტყვებად და პრემიერ-მინისტრისა და მთავრობის მხრიდან ამ განცხადებებს ქმედითი ნაბიჯები მოყვება.

ამ ყოველივეს გათვალისწინებით, ხაზგასმით აღვნიშნავთ, რომ პრეზიდენტისა და პრემიერ-მინისტრის შეხვედრები მომავალშიც უნდა გაგრძელდეს და მივიჩნევთ, რომ დიალოგს ალტერნატივა არ აქვს“, - განაცხადა პრეზიდენტის მრჩეველმა.

 

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.46
  • 3.08
  • 3.47
  • 0.04
  • 0.66
  • 1.45