არასრულწლოვან მსჯავრდებულებს, რესოციალიზაციის ფარგლებში, სპორტული ინვენტარი გადასცეს

ოთხშაბათი, 06 მარტი, 2013 - 19:04

სასჯელ-აღსრულების, პრობაციისა და იურიდიული დახმარების საკითხთა მინისტრმა სოზარ სუბარმა და სპორტისა და ახალგაზრდობის საქმეთა მინისტრმა ლევან ყიფიანმა, ასევე პროექტის „არასრულწლოვანი და ახალგაზრდა მსჯავრდებულთა რესოციალიზაციის ხელშეწყობის პროგრამა“ მონაწილე ორგანიზაციების წარმომადგენლებმა არასრულწლოვანი მსჯავრდებულები მოინახულეს.

არასრულწოვნებს სპორტისა და ახალგაზრდობის საქმეთა სამინისტროსგან საჩუქრად გადაეცათ სხვადასხვა სახის სპორტული ინვენტარი, სავარჯიშო მოწყობილობები (ტრენაჟორები), სპორტული ფეხსაცმელი, კალათბურთისა და ფეხბურთის ბურთები, კრივის ტყავის ორი ტომარა და სავარჯიშო ტყავის ხელთათმანები, მაისურები სამინისტროს ლოგოთი და სლოგანით, ასევე, მათი ასაკობრივი კატეგორიის მიხედვით ფსიქოლოგების მიერ წინასწარ შერჩეული წიგნები.

პროექტის ფარგლებში განახლდა არსებული ბიბლიოთეკა, ასევე გაიხსნა მსჯავრდებულთათვის სახელობო (პროფესიული) სწავლება, სადაც არასრულწლოვნები ხეზე კვეთას, ესკიზირებას, ხის მხატვრულ დამუშავებას, ხელნაკეთი ნივთებისა და აქსესუარების დამზადებას შეისწავლიან.

ამავე ქვეპროგრამის ფარგლებში მოეწყობა კინოლექტორიუმი და ჩატარდება თემატურად შერჩეული კინოჩვენებები.

შეხვედრა მუსიკალური ჯგუფი ,,ფრანი’’-ს კონცერტით დასრულდა.

საქართველოს სპორტისა და ახალგაზრდობის საქმეთა სამინისტროს ახალგაზრდობის საქმეთა დეპარტამენტი მიმდინარე წელს ,,ახალგაზრდული პოლიტიკის განვითარების პროგრამის’’ ფარგლებში ახორციელებს ქვეპროგრამას ,,არასრულწლოვანი და ახალგაზრდა მსჯავრდებულების რესოციალიზაციის ხელშეწყობის პროგრამა’’, რომელიც მიზანად ისახავს არასრულწლოვანი და ახალგაზრდა (26 წლამდე) მსჯავრდებულების რესოციალიზაციის პროცესის ხელშეწყობას სპორტის აქტიური გამოყენებით, არაფორმალური განათლების და პროფესიული (სახელობო) სწავლების უზრუნველყოფით. პროექტის ფარგლებში მსჯავრდებულთა დაწესებულებებში მოეწყობა სპორტული ტურნირები სპორტის სახეობებში, როგორიცაა: ფეხბურთი, ქუჩის კალათბურთი, ფრენბურთი, მკლავჭიდი.

 

მსგავსი სიახლეები

სოციალური ქსელი

ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე იმედია, არ დადასტურდება არაოფიციალური ინფორმაცია - ნანუკა ჟორჟოლიანი მთავრობას მიმართავს გაიღვიძეთ რა!!! რამ დაგადუმად, რამ დაგაგლახავად ასე! იმოქმედეთ რა!!! - გია მაისაშვილი მაშინ როდესაც ბარბარეს სიცოცხლე ქვევრში ჩაკალით?! აბა, გაბედეთ და იმ ქვევრს ახადეთ თავსახური... - სულა სულაშვილი

გამოკითხვა

ვალუტა

  • 2.68
  • 3.15
  • 3.61
  • 0.05
  • 0.7
  • 1.58