ლევან დავითაშვილმა ქართული ღვინის რუსეთის ბაზარზე დაბრუნებასთან დაკავშირებით განცხადება გააკეთა

ოთხშაბათი, 06 მარტი, 2013 - 16:44

სოფლის მეურნეობის სამინისტროში ღვინის ეროვნული სააგენტოს ხელმძღვანელმა ლევან დავითაშვილმა, დღეს ქართული პროდუქციის რუსეთის ბაზარზე დაბრუნების და რუსი ექსპერტების მიერ ქართული საწარმოების ინსპექტირების შედეგების შესახებ განცხადება გააკეთა.

“პროცესი ობიექტურად წარიმართა. შემოწომდა 36 ღვინისა და ალკოჰოლური სასმელების, ასევე 4 მინერალური წყლის მწარმოებელი საწარმო. ამ სიაში მოხვდა ფაქტიურად ყველა კომპანია, ვისაც განაცხადი ჰქონდა გაკეთებული. არის გამონაკლისებიც, მაგალითად შავნაბადას მონასტრი, სადაც ბერებმა თავად განაცხადეს უარი. კომპანია “ვაინმენი” რომლის შემოწმებაც ფიზიკურად ვერ მოესწრო. არის მხოლოდ ერთი საწარმო, რომელიც შემოწმდა და ვერ გაიარა შემოწმება. ვფიქრობ, შედეგები ძალიან კარგია“, - განაცხადა ღვინის ეროვნული სააგენტოს ხელმძღვანელმა.

ლევან დავითაშვილის თქმით, დადასტურდა მეორე ვიზიტის თარიღიც - 25 მარტი, როდესაც ჩამოვა ექსპერტების მეორე დელეგაცია და დარჩენილ ყველა საწარმოს შეამოწმებს. ამის შემდეგ ყველა კომპანია, ვინც გაივლის ინსპექტირების პროცესს, ორგანიზებულად დაიწყებენ საკუთარი პროდუქციის დარეგისტრირებას. ეს პროცესი, სავარაუდოდ, აპრილის ბოლოს დასრულდება და დაახლოებით მაისში იქნება შესაძლებელი პირველი პარტიის რუსეთში გაგზავნა.

სააგენტოს ხელმძღვანელმა აღნიშნა, რომ რუსეთში წლის განმავლობაში მოსალოდნელია სავარაუდოდ 8-10 მილიონი ბოთლის გატანა, რაც მთლიანი ექსპორტის 25 პროცენტია. მისი თქმით, ექსპორტის ისტორიული მაქსიმუმი 2005 წელს - 52 მილიონი ბოთლი დაფიქსირდა, თუმცა ეს იყო დაბალფასიანი ღვინო. ახლა ქართული ღვინის ფასმა აიწია და იგი მაღალ სეგმენტში გადის როგორც რუსულ, ასევე სხვა ბაზრებზეც.

 

 

 

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5