ბოლნისში წითელი ჯვრის საზოგადოების (სწჯს) “სოციალური ცენტრი“ იხსნება

ოთხშაბათი, 06 მარტი, 2013 - 14:24

საქართველოს წითელი ჯვრის საზოგადოება (სწჯს) ბოლნისში ხვალ სოციალურ ცენტრს გახსნის. სწჯს-ის ბოლნისის ფილიალში სწჯს-ის ორი პროექტი მიმდინარეობს: „უსაფრთხო და ჯანსაღი ცხოვრების უზრუნველყოფა ხანდაზმულთათვის“ და „ვიმოქმედოთ ერთად“.

პროექტების მხარდამჭერები არიან: წითელი ჯვრისა და წითელი ნახევარმთვარის საერთაშორისო ფედერაცია, ბრიტანეთის განვითარების ფონდი, ავსტრიისა და იტალიის წითელი ჯვარი და ბოლნისის ადგილობრივი მუნიციპალიტეტი.

სოციალური პროექტის „უსაფრთხო და ჯანსაღი ცხოვრების უზრუნველყოფა ხანდაზმულთათვის“ მიზანია ხანდაზმულების შესაძლებლობების გაზრდა ძირითადი სერვისების, რესურსებისა და პოლისების შემუშავების გზით, ასევე შესაძლებლობების გაძლიერება და პარტნიორობის გაუმჯობესება ხანდაზმულთა მდგრადი მომსახურებისათვის სწჯს-ის ფილიალებსა და ადგილობრივ ხელისუფლებას შორის.

პროექტის „ვიმოქმედოთ ერთად“ მიზანია საქართველოში მცხოვრები ეროვნული უმცირესობების სოციალური ჩართულობისა და მშვიდობიანი თანაცხოვრების ხელშეწყობა. ამ პროექტით საქართველოს წითელი ჯვრის საზოგადოება თემზე დაფუძნებული მომსახურების გაწევით მნიშვნელოვან წვლილს შეიტანს ეროვნული უმცირესობების სოციალური ჩართულობასა და ნდობის აღდგენაში.

სოციალური ცენტრის პრეზენტაცია გაიმართება ბოლნისში, საქართველოს წითელი ჯვრის საზოგადოების ფილიალში (სულხან-საბა ორბელიანის N 123) 7 მარტს, 14:00 სთ-ზე.

ღონისძიებას დაესწრებიან სწჯს-ის პრეზიდენტი, წითელი ჯვრისა და წითელი ნახევარმთვარის საერთაშორისო ფედერაციის, დანიის წითელი ჯვრის, საპატრიარქოს და ადგილობრივი ხელისუფლების წარმომადგენლები, ასევე სხვა მოწვეული სტუმრები.

დამატებითი იფორმაციისთვის დაუკავშირდით : თინათინ კიკაბიძეს ტელ. 551 107 555

საქართველოს წითელი ჯვრის საზოგადოება

 

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5