რონალდოს მანჩესტერული ვოიაჟი ინგლისელთა მარცხით დასრულდა

ოთხშაბათი, 06 მარტი, 2013 - 03:14


ჩემპიონთა ლიგის მერვედფინალის ერთ-ერთი გამორჩეული წყვილის, მანჩესტერ-რეალის მეორე რაუნდში, დაძაბულ ბრძოლაში, მადრიდულმა კლუბმა იმარჯვა ანგარიშით - 1-2. შეგახსენებთ, რომ  პირველ რაუნდი 1-1 დამთავრდა, რაც უფრო ამძაფრებებდა მეორე მატჩისადმი მოლოდინს.

თამაშმაც გაამართლა, მაყურებელმა უდიდესი სანახაობა იხილა, 90 წუთის განმავლობაში ტემპი არ დავარდნილა, ოლდ ტრაფორდმა უდიდეს მატჩს უმასპინძლა! პირველი ტაიმი ორმხრივი შეტევებით მიმდინარეობდა, თუმცა უგოლოდ დასრულდა.

მეორე ტაიმის დასაწყისში, 47-ე წუთზე ესპანელმა მცველმა სერხიო რამოსმა საკუთარ კარში ჩაჭრა ბურთი, ანგარიში გაიხსნა მანჩესტერელთა სასარგებლოდ, თითქოსდა უპირატესობა ხელში იგდეს ინგლისელებმა, მაგრამ 57 წუთზე მსაჯის მიერ ამოღებულმა წითელმა ბარათმა მთლიანად შეცვალა თამაშის მსვლელობა. თურქმა არბიტრმა ნანი გააძევა საკამათო სიტუაციაში, რეალმაც შეუტია კაცნაკლულ იუნაიტედს. 3 წუთნახევრიან მონაკვეთში კი შეცვლაზე შემოსულმა მოდრიჩმა და რონალდომ მთლიანად შემოატრიალეს თამაშის მსვლელობა. ანგარიში 1-2 გახდა, იყო კიდევ თამაშის დამთავრებამდე სახიფათო მომენტები, საკამათო სიტუაციებიც, თუმცა მას თამაშის ანგარიშზე გავლენა აღარ მოუხდენია.

მადრიდის რეალი მეოთხედფინალშია!

 

მსგავსი სიახლეები

"ახალი საქართველო"-ს ტელე არქივი

სოციალური ქსელი

გამოკითხვა

გაუმჯობესდა თუ არა თქვენი ოჯახის ეკონომიკური მდგომარეობა

ვალუტა

  • 2.48
  • 2.7
  • 3.18
  • 0.04
  • 0.69
  • 1.47