პრეზიდენტი და პრემიერი ნატოს და ევროკავშირს ერთობლივი წერილით მიმართავენ

სამშაბათი, 05 მარტი, 2013 - 15:44

საქართველოს პრეზიდენტი მიხეილ სააკაშვილი, პრემიერ-მინისტრ ბიძინა ივანიშვილს ნატოსთვის და ევროკავშირისთვის ერთობლივი წერილის გაგზავნის წინადადებით მიმართავს. პრეზიდენტმა ამის შესახებ ლიტვის საგარეო საქმეთა მინისტრს ლინას ლინკევიჩუს განუცხადა.

მისი თქმით, პრეზიდენტმა და პრემიერმა ამის შესახებ გუშინ გამართულ შეხვედრაზე ისაუბრეს.

"მინდა, დავადასტურო ჩვენი ძველი შეთავაზება, რომ მე და პრემიერმა ერთობლივი წერილით მივმართოთ ევროკავშირს და ნატო-ს, ერთობლივი გეგმა გავწეროთ, მიუხედავად ჩვენი შიდა პოლიტიკური განსხვავებების, რათა გავაგრძელოთ ევროატლანტიკური და ევროპული ორიენტაციის კურსი. ჩვენი გუშინდელი შეხვედრა არ უნდა დარჩეს მხოლოდ შეხვედრად. მნიშვნელოვანია, გამოვიყენოთ ის, რომ რაღაც სახის დიალოგი აღდგა და არ დავკარგოთ დინამიკა ევროპულ ინსტიტუტებთან", - განაცხადა სააკაშვილმა.

პრემიერ-მინისტრის პრესსამსახურის გავრცელებული ინფორმაციით, ლიტვის საგარეო საქმეთა მინისტრმა ბიძინა ივანიშვილს და მიხეილ სააკაშვილს საქართველოს საგარეო კურსზე ერთობლივი განცხადების გაკეთება ურჩია, რაზეც პრემიერის თანხმობა უკვე არის.

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.54
  • 3.11
  • 3.52
  • 0.04
  • 0.67
  • 1.5