სააკაშვილი პროვოკაციის მოწყობას ცდილობს - პაატა ზაქარეიშვილი

შაბათი, 02 მარტი, 2013 - 17:53

ჯავახეთსა და ქვემო ქართლში არანაირი საფრთხე არ არსებობს, - ამის შესახებ განცხადებას რეინტეგრაციის საკითხებში სახელმწიფო მინისტრი, პაატა ზაქარეიშვილი აკეთებს. მისი თქმით, ამ რეგიონში რაიმე სახის პრობლემაზე საუბრები არ არის.

"მე შეშფოთება გამოვთქვი სააკაშვილის იმ პროვოკაციულ გამოსვლებზე, რომლებსაც ის ბაქოდან ჩამოსვლის შემდეგ აკეთებს. ეს არის ანტისახელმწიფოებრივი, უპასუხისმგებლო განცხადებები. ბოლო წლებში მართლაც, არავითარი საუბრები არ არის ჯავახეთსა და ქვემო ქართლში რაიმე პრობლემებზე, მაგრამ სააკაშვილი ცდილობს პროვოკაციის მოწყობას. რამდენადაც ვფლობ ინფორმაციას როგორც ჯავახეთში, ისე ქვემო ქართლში, ცალსახად და მკაფიოდ მინდა განვაცხადო, რომ მას ამ პროვოკაციებიდან არაფერი გამოუვა", - განაცხადა პაატა ზაქარეიშვილმა.

შეგახსენებთ, რომ ბაქოდან დაბრუნებულმა პრეზიდენტმა რუსეთის ახალ სცენარზე ისაუბრა, რომლის მიხედვითაც რუსეთი აზერბაიჯანისთვის იმ სცენარს ამზადებს, რაც მან საქართველოსთან მიმართებაში ოქტომბრის საპარლამენტო არჩევნებისას გამოიყენა. მისი თქმით, რუსეთი ამ მიზნით ოლიგარქებს, რუსულ კაპიტალს, შანტაჟს და სხვადასხვა პროვოკაციულ გზებს იყენებს და აზერბაიჯანის პრეზიდენტის წინააღმდეგ რუსეთში შეიქმნა დიასპორა რამდენიმე მილიარდერის, მათ შორის ალეკპეროვის და სადიკოვის მეთაურობით.

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.49
  • 2.94
  • 3.27
  • 0.04
  • 0.68
  • 1.46