წითელი ჯვრის საზოგადოება ხანდაზმულთა დღის სოციალურ ცენტრს ახმეტაში გახსნის

შაბათი, 02 მარტი, 2013 - 13:48

საქართველოს წითელი ჯვრის საზოგადოება (სწჯს) ხანდაზმულთა დღის სოციალურ ცენტრს 4 მარტს, ქ. ახმეტაში გახსნის.  აღნიშნული სოციალური ცენტრი პროექტის - „სოციალური სტრატეგიებისა და მომსახურების განვითარება ყველაზე დაუცველებისათვის საქართველოში, ერთობლივად ადგილობრივი ხელისუფლებისა და სამოქალაქო საზოგადოების მიერ“ ფარგლებში იხსნება.

პროექტი ხორციელდება ევროკომისიისა და დანიის წითელი ჯვრის მხარდაჭერით და მისი მიზანია ყველაზე მოწყვლადი ჯგუფების შესაძლებლობების გაზრდა ძირითადი სერვისების, რესურსებისა და პოლისების შემუშავების გზით საქართველოში, ასევე შესაძლებლობების გაძლიერება და პარტნიორობის გაუმჯობესება სოციალური სტრატეგიების განვითარებისა და უმწეო ხანდაზმულთა მდგრადი მომსახურებისათვის სწჯს-ს ფილიალებსა და ადგილობრივ ხელისუფლებას შორის მიზნობრივ ადგილებში.

შეგახსენებთ, რომ სწჯს-ის ახმეტის ფილიალში უკვე მიმდინარეობს სწჯს-ის კიდევ ერთი პროექტი „ვიმოქმედოთ ერთად“, რომლის მხარდამჭერია ავსტრიის წითელი ჯვარი და ავსტრიის განვითარების სააგენტო (ADA). პროექტის მიზანია საქართველოში მცხოვრები ეროვნული უმცირესობების სოციალური ჩართულობისა და მშვიდობიანი თანაცხოვრების ხელშეწყობა.

სოციალური ცენტრის პრეზენტაცია გაიმართება სწჯს-ის ახმეტის ფილიალში (ჩოლოყაშვილის #77) ა.წ. 13 მარტს, 14:00 სთ-ზე.

ღონისძიებას დაესწრებიან სწჯს-ის პრეზიდენტი, ასევე ადგილობრივი ხელისუფლების და ავსტრიის წითელი ჯვრის დელეგაცია და სხვა მოწვეული სტუმრები.

 

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.49
  • 2.94
  • 3.27
  • 0.04
  • 0.68
  • 1.46