ჯაბა სამუშია მერიას კოოპერატიული ბინათმშენებლობების პრობლემების მოუგვარებლობაში ადანაშაულებს

პარასკევი, 01 მარტი, 2013 - 20:00

თბილისის საკრებულოს თავმჯდომარის მოადგილე ჯაბა სამუშია და ფრაქციის "ქართული ოცნება – თბილისელების“ თავმჯდომარე გულიკო ზუმბაძე კოოპერატიული ბინათმშენებლობებით დაზარალებულ ოჯახებს შეხვდნენ.

საკრებულოს ოპოზიციური ფრაქციების წევრებმა დღეს მიმდინარე პრობლემები პირადად მოისმინეს და დაზარალებულ ოჯახებს დახმარებას დაჰპირდნენ. როგორც ჯაბა სამუშიამ ჯურნალისტებთან საუბრისას განმარტა, აღნიშნულ საკითხთან დაკავშირებით დედაქალაქის მერიას არანაირი რეაგირება არ მოუხდენია.

"ქალაქის მერია სრულ სტაგნაციაშია. გიგი უგულავამ და მისმა მოადგილეებმა საკუთარი სკამებისა და თანამდებობების შესანარჩუნებლად დედაქალაქში მრავალი ინფრასტრუქტურული პროექტები შეაჩერეს და გაყინეს. ის დაპირებები, რაც მათ თავის თავზე ჰქონდათ აღებული, არ სრულდება. ერთ-ერთი ამის ნათელი მაგალითია კოოპერატიული ბინათმშენებლობით დაზარალებულთა პრობლემაც, რომლის მოგვარება უკვე დაიწყო ცენტრალური მთავრობის დონეზე, თუმცაღა, ქალაქის მერი ამ კუთხით არაფერს აკეთებს იმ კომპეტენციის ფარგლებშიც კი, რაც მას ევალება. ეს არის, როგორც ადგილობრივი ქონების გადაცემა კოოპერატიული ბინათმშენებლობით დაზარალებულთათვის, ასევე იმ მიწების დარიგება, რომლის ვალდებულებაც 2010 წელს თავის თავზე აიღო ქალაქის მერიამ. სამწუხაროდ, დედაქალაქის მთავრობას ამ მიმართულებით ნაბიჯიც არ აქვს გადადგმული”,- განაცხადა ჯაბა სამუშიამ.

როგორც დაზარალებულები აცხადებენ პრობლემა დღემდე მოუგვარებელია და 4500 ოჯახის ზრუნვა ქალაქის მთავრობის უპირველესი ვალდებულებაა.

 

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.47
  • 3.04
  • 3.45
  • 0.04
  • 0.65
  • 1.46