სახელმწიფო დაცვის სპეციალური სამსახური პრეზიდენტის დაცვას მაინც უზრუნველყოფს

პარასკევი, 01 მარტი, 2013 - 15:21

სახელმწიფო დაცვის სპეციალური სამსახური პრეზიდენტის დაცვის საკითხთან დაკავშირებით განცხადებას აკეთებს. სამსახურის განცხადებით, მიუხედავად პრეზიდენტის სურვილისა, დაცვის გარეშე გადაადგილდეს, ისინი კანონით დაკისრებულ ვალდებულებებს მაინც შეასრულებენ და პრეზიდენტის დაცვას უზრუნველყოფენ.

"სახელმწიფო დაცვის სპეციალური სამსახური მოქმედებს მკაცრად განსაზღვრული ვალდებულების მიხედვით და არ შედის არანაირ პოლიტიკურ დისკუსიაში. კიდევ ერთხელ ვადასტურებთ მზაობას, განვახორციელოთ კანონით დაკისრებული ვალდებულებები და უზრუნველვყოთ პრეზიდენტის უსაფრთხოება. კანონის მიხედვით, საქართველოს პრეზიდენტი უნდა იყოს დაცული", - ნათქვამია სამსახურის განცხადებაში.

ცნობისთვის, საქართველოს პრეზიდენტმა, მიხეილ სააკაშვილმა სახელმწიფო დაცვის სპეციალური დაცვის სპეციალური სამსახურის ესკორტით სარგებლობაზე მას შემდეგ თქვა უარი, რაც პრემიერ-მინისტრმა, ბიძინა ივანიშვილმა სახელმწიფო დაცვის სპეციალური სამსახურის უფროსი, თეიმურაზ ჯანაშია თანამდებობიდან გაათავისუფლა და მის ადგილზე მისი დაცვის უფროსი, ანზორ ჩუბინიძე დანიშნა. 

 

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.48
  • 2.92
  • 3.28
  • 0.04
  • 0.67
  • 1.46