მარეკ დუდაევი ციხეში სახალხო დამცველმა მოინახულა

ხუთშაბათი, 28 თებერვალი, 2013 - 16:13

საქართველოს სახალხო დამცველმა უჩა ნანუაშვილმა  სასჯელაღსრულების #7 დაწესებულებაში მსჯავრდებული მარეკ დუდაევი მოინახულა. სახალხო დამცველი იწყებს მარეკ დუდაევის საქმის შესწავლას, რადგან ამ საქმეში არის ძალიან ბევრი კითხვის ნიშანი და ბევრი წინააღმდეგობა.

საქართველოს სახალხო დამცველთან შეხვედრის დროს მარეკ დუდაევმა განაცხადა, რომ ის მიესალმება ქართველი და ოსი ხალხის შერიგებას და მზად არის თავადაც მიიღოს მონაწილეობა ამ პროცესში.

სახალხო დამცველი გამოდის ინიციატივით, რომ ჰუმანიტარული მოსაზრებიდან გამომდინარე, მოხდეს მარეკ დუდაევის და სხვა ეთნიკურად ოსი პატიმრის გათავისუფლება და მათი გადაცვლა ცხინვალის ციხეში მყოფ ქართველ პატიმრებზე.

სახალხო დამცველს მიაჩნია, რომ აუცილებელია დაიწყოს დიალოგი საქართველოს ხელისუფლებასა და დე-ფაქტო ოსეთის ხელისუფლებას შორის პატიმრების გაცვლასთან დაკავშირებით და აუცილებლად მიაჩნია პატიმართა გაცვლის საკითხის წამოწევა და გააქტიურება, რაც ხელს შეუწყობს ე. წ. ოსური მხარის მიერ დაკავებული საქართველოს მოქალაქეების სწრაფ გათავისუფლებას.

 

 

 

მსგავსი სიახლეები

"ახალი საქართველო"-ს ტელე არქივი

სოციალური ქსელი

გამოკითხვა

გაუმჯობესდა თუ არა თქვენი ოჯახის ეკონომიკური მდგომარეობა

ვალუტა

  • 2.42
  • 2.71
  • 3.14
  • 0.04
  • 0.68
  • 1.44