თბილისის ზღვის ჩინურ პროექტთან დაკავშირებით გიგი უგულავას ბიზნეს-ინტერესები იკვეთება - ზაზა გაბუნია

ოთხშაბათი, 27 თებერვალი, 2013 - 16:21

გიგი უგულავა ყოველგვარი დოკუმენტაციის წარმოდგენის გარეშე ჩინურ კომპანიას, უმსხვილესი, მრავალმილიარდიანი პროექტის განხორციელების ნებას რთავს მაშინ, როცა თბილისელებს საცხოვრებლის სახურავისა და ფანჯრის ფორმის შეცვლაც კი არ შეუძლიათ არქიტექტურისა და ზედამხედველობის სამსახურების ჩარევის გარეშე. ეს კი მიუთითებს იმაზე, რომ ბატონ უგულავას სხვა ინტერესები ჰქონდა პროექტთან დაკავშირებით და ამის გასარკვევად გამოძიება და მათ შორის ჩინური მხარისგან ინფორმაციის მიღება მიზანშეწონილად მიმაჩნია", - ამის შესახებ თბილისის საკრებულოს ფრაქცია " ქართული ოცნება-დემოკრატიული საქართველოს " თავმჯდომარემ , ზაზა გაბუნიამ ჟურნალისტებს განუცხადა.

გაბუნიამ მედიას დედაქალაქის მერის, გიგი უგულავას 2012 წლის 14 თებერვლის ბრძანება გააცნო, რომლის მიხედვითაც მერი შესაბამისი დოკუმენტაციის წარდგენის გარეშე მშენებლობის განხორციელების ნებართვას იძლევა.

მისი თქმით, ზუსტად ორ კვირაში, საქართველოში ჩინური კომპანია "ჰუალინგ ინტერნეიშენალი" შემოდის, რაც იმ ფაქტს ადასტურებს, რომ გიგი უგულავას ბრძანება სწორედ ჩინური კომპანიისთვის ყველა წინაპირობის შექმნით იყო ნაკარნახევი, რომ ამ უკანასკნელს სწრაფად დაეწყო მრავალმილიარდიანი პროექტის განხორციელება თბილისის ზღვის ტერიტორიაზე.

ზაზა გაბუნიამ თბილისის საკრებულოს 2012 წლის ივნისის გადაწყვეტილებაც წარადგინა, რომლის მიხედვითაც საკრებულო ჩინურ კომპანიას 5 წლის მანძილზე ყოველგვარი გადასახადიდან ათავისუფლებს და საქმიანობის მხოლოდ მე-6 წლიდან უწესებს მიზერულ გადასახადს.

გაბუნიას თქმით, ეს გარემოებები ბევრ საფუძვლიან ეჭვს იწვევს.

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5