"იავნანა" საქველმოქმედო ტელემარათონს სოფიკოს სახელით გამართავს

ოთხშაბათი, 27 თებერვალი, 2013 - 13:34

თბილისის საკონცერტო დარბაზში ფონდი "იავნანა" საქველმოქმედო ტელემარათონს თავის ერთ-ერთი პირველი მხარდამჭერის, ლეგენდარული სოფიკო ჭიაურელის 75 წლის იუბილეს უძღვნის.

ღონისძიება, რომელიც 2 მარტს გაიმართება, მონაწილეობას მიიღებენ: კახი კავსაძე, გივი ბერიკაშვილი, ნანი ბრეგვაძე, ბუბა კიკაბიძე, ნატო მეტონიძე, ლიზა ბაგრატიონი, ნიკოლოზ რაჭველი, სახელმწიფო სიმფონიური ორკესტრი და სხვა.

სოფიკო იყო ერთ-ერთი პირველი, ვინც “იავნანას” გვერდით დაუდგა და 2005 წელს ბავშვების დასახმარებლად შემოქმედებითი საღამო გამართა.

ერთი წლის მანძილზე ერთი ბავშვის თანადგომისთვის საჭირო თანხა შეადგენს 1200 ლარს. ამიტომ საღამოზე სპეციალური ბილეთები იქნება და ვინც ამ შემოწირულობას გაიღებს, ერთ კონკრეტულ ბავშვზე ერთი წლით აიღებს მზრუნველობას. ასეთი სულ 130 ბილეთი იქნება,

ფონდი 2008 წლის ოქტომრიდან მოყოლებული ყოველთვიურად ურიცხავს დახმარებას აგვისტოს ომის დროს დაობლებულ ყველა ბავშვს.

საღამოს პირდაპირ ტრანსლირებას  "რუსთავი 2" უზრუნველყოფს.

თუკი გადაწყვიტავთ ტელემარათონს შემოუერთდეთ, დარეკეთ ნომერზე 09 01 30 30 30

 

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.48
  • 2.92
  • 3.28
  • 0.04
  • 0.67
  • 1.46