დედოფლისწყაროში ავტოავარიისას არასრულწლოვანები დაშავდნენ

სამშაბათი, 26 თებერვალი, 2013 - 17:10

დედოფლისწყაროში, ცენტრალურ მაგისტრალზე მდებარე „სოკარის“ ავტოგასამართ სადგურთან ავტოსაგზაო შემთხვევა მოხდა. ამის შესახებ ინფორმაციას " ქიზიყი.ge " ავრცელებს. გადაჭარბებული სისწრაფით მოძრავმა “ვოლვოს” მარკის ავტომანქანის მძღოლმა საჭე ვერ დაიმორჩილა, თავდაპირველად ელექტრობოძს, შემდეგ კი ჯიხურს შეეჯახა. შეჯახების შედეგად, სხვადასხვა სახის მსუბუქი დაზიანებები მიიღეს მგზავრებმა და ქვეითად მოსიარულემ. დაშავებულები არიან არასრულწლოვანებიც. ოთხი დაშავებული დედოფლისწყაროს საავადმყოფოში მოქალაქეების დახმარებით გადაიყვანეს.

მედიკოსების განმარტებით, ზოგ მათგანს ტვინის შერყევა, ზოგს ქვედა კიდურების დაჟეჟილობა და მხრის მოტეხილობა აღენიშნებოდა, გამვლელმა 10 წლის მოზარდმა კი დაზიანებები სახის არეში მიიღო. წინასწარი ინფორმაციით, მძღოლი ალკოჰოლური ზემოქმედების ქვეშ არ იმყოფებოდა.

შემთხვევის ადგილზე დაშავებულებს პირველადი დახმარება „სოკარის“ თანამშრომლებმა აღმოუჩინეს.

მსგავსი სიახლეები

"ახალი საქართველო"-ს ტელე არქივი

სოციალური ქსელი

გამოკითხვა

გაუმჯობესდა თუ არა თქვენი ოჯახის ეკონომიკური მდგომარეობა

ვალუტა

  • 2.48
  • 2.7
  • 3.19
  • 0.04
  • 0.7
  • 1.46