მარკირებას დაქვემდებარებული პროდუქციის დადგენაზე ბრძანების ამოქმედების ვადამ პირველ მაისამდე გადაიწია

სამშაბათი, 26 თებერვალი, 2013 - 12:42

ელექტრონულ მარკირებას დაქვემდებარებული პროდუქციის დადგენის ვადამ 1 მაისამდე გადაიწია - აღნიშნული გადაწყვეტილება ფინანსთა მინისტრ ნოდარ ხადურსა და არაალკოჰოლური სასმელების მწარმოებელთა ასოციაციას შორის გუშინ გამართული შეხვედრის შემდეგ მიიღეს.

შეხვედრას დაესწრნენ ასოციაციაში შემავალი კომპანიების: „ნატახტარი,“ „წყალი მარგებელი,“ „აიდიეს ბორჯომი საქართველოს,“ „აქვა გეოს,“ „იბერია რეფრეშმენტსის“ (პეპსი), „კოკა-კოლა ბოთლერს ჯორჯიას“ წარმომადგენლები.

„შედგა ძალიან მნიშვნელოვანი შეხვედრა. კომპანიების მხრიდან არის სრული მზაობა იმისა, რომ ვითანამშრომლოთ. ფინანსთა მინისტრის პირველი ბრძანება, რომელიც ელექტრონულ მარკირებას დაქვემდებარებული პროდუქციის განსაზღვრას ეხებოდა, ძალაში 2013 წლის მარტიდან უნდა შესულიყო. დღეს მიღწეული შეთანხმებით, ვადამ 1 მაისამდე გადაიწია. აქედან გამომდინარე, საბოლოო გადაწყვეტილების მიღებამდე ფინანსთა სამინისტრომ კიდევ ორთვიანი ვადა აიღო, - აღნიშნა ფინანსთა მინისტრმა.

სამინისტროს პოზიციაა აღრიცხვიანობის მოწესრიგება მოხდეს ისე, რომ არ გაძვირდეს პროდუქცია და ბიზნესს არ შეექმნას ხელოვნური ბარიერები.

შეხვედრაზე გადაწყდა, რომ არააქციზური პროდუქციის ელექტრონულ მარკირებასთან დაკავშირებით მეორე შეხვედრა ბორჯომში, სავარაუდოდ, მარტის შუა რიცხვებში გაიმართება. პარალელურად, ფინანსთა მინისტრი ყველა საწარმოში მისვლას და პრობლემების ადგილზე გაცნობას გეგმავს. ნოდარ ხადურის განცხადებით, გამოიცა ფინანსთა მინისტრის ბრძანება, რომლის თანახმადაც, საექსპორტო პროდუქცია არ დაექვემდებარება მარკირებას.

„აღნიშნული გადაწყვეტილების მიზანია, ექსპორტიორ კომპანიებს არ შეუსუსტდეთ კონკურენტუნარიანობა საზღვარგარეთ,“ - განაცხადა მინისტრმა.

დღეს მიღწეული შეთანხმება დადებითად შეაფასეს არაალკოჰოლური სასმელების მწარმოებელთა ასოციაციის წევრებმა. როგორც კომპანია „ივერია რეფრეშმენტსის“ (პეპსის) გენერალურმა დირექტორმა დავით ლომჯარია განაცხადა, ასოციაცია მოხარულია, რომ ფინანსთა სამინისტროსთან კონსტრუქციულ დიალოგს მართავს. მისი თქმით, ვადის გადაწევა ნიშნავს იმას, რომ ელექტრონულ მარკირებას დაქვემდებარებული პროდუქციის განსაზღვრასთან დაკავშირებული საკითხი დამუშავდება და მხოლოდ ამის შემდეგ იქნება მიღებული საბოლოო გადაწყვეტილება.

ამგვარი ფორმატით კომპანიებთან შეხვედრის გადაწყვეტილება მიღებულ იქნა 19 თებერვალს საქართველოს პრემიერ-მინისტრის ბიძინა ივანიშვილის ბიზნესმენებთან შეხვედრის დროს.

 

 

მსგავსი სიახლეები

"ახალი საქართველო"-ს ტელე არქივი

სოციალური ქსელი

უწმინდესი ახლა უფრო დიდ განსაცდელშია, ვიდრე გერმანიაში წასვლის წინ იყო - ელისო კილაძე უძაღლო ქვეყანაში კატებს აყეფებდნენო... ისეა ჩვენი საქმე... - გიორგი მარიამიძე რუსთავი 2-ზე ყველაზე გულისამრევი რუსთავი 2-ის ისტორიაში არის ქიბარ ხალვაშის "რეჟიმის მსხვერპლად" გამოცხადება - თორნიკე შარაშენიძე ყურადღება: რუსთავი 2-ის საქმეზე მოლაპარაკება ირაკლი ოქრუაშვილთან დაიწყო ეს იყო უმკაცრესი პასუხი ვიზალიბერალიზაციაზე და საქართველომ, რუსეთის ხელით, ევროპას სილა გააწნა - სულა სულაშვილი სუსი ევაჭრება მამა გიორგი მამალაძეს, აღიაროს დანაშაული და მას პატრიარქის თხოვნით შეიწყალებენ - ელისო კილაძე

გამოკითხვა

გაუმჯობესდა თუ არა თქვენი ოჯახის ეკონომიკური მდგომარეობა

ვალუტა

  • 2.44
  • 2.65
  • 3.07
  • 0.04
  • 0.67
  • 1.44