გიგი უგულავას სასამართლოს გადაწყვეტილება ლოგიკურად მიაჩნია

ორშაბათი, 25 თებერვალი, 2013 - 18:09

თბილისის მერმა გიგი უგულავამ პროკურატურის არცერთი ბრალდების დაუკმაყოფილებლობა სასამართლოს მხირდან ლოგიკურად მიაჩნია. "მიმაჩნია გადაწყვეტილება იყო ლოგიკური. სასამართლო პროცესზე გამოჩნდა, რომ ბრალდების მხარეს არანაირი ლეგალური საფუძველი არ ჰქონდა აღკვეთი ღონისძიების იმ ფორმების, რაც მოითხოვეს მილიონი ლარის მოთხოვნის სახით", - განაცხადა უგულავამ.

შეგახსენებთ, რომ პროკურატურა უგულავასთვის 1 მილიონი ლარის ოდენობით გირაოს ითხოვდა. ასევე, პროკურატურამ შუამდგომლობით მიმართა სასამართლოს, რომ გიგი უგულავას ქვეყნიდან გასვლა აეკრძალოს და საგამოძიებო ორგანოში კვირაში ერთხელ გამოცხადდეს.

ფინანსთა სამინისტროს საგამოძიებო სამსახური თბილისის მერს სისხლის სამართლის კოდექსის 182-ე მუხლის მეორე და მესამე ნაწილითა და 194-ე მუხლის მესამე ნაწილით გათვალისწინებული დანაშაულისთვის ედავება. საქმე ტელეკომპანია "იმედის" უკანონოდ გასხვისებასა და პარტია "ერთიანი ნაციონალური მოძრაობის" საქმიანობის დაფინანსებას ეხება, სადაც მერიის საზოგადოებასთან ურთიერთობის სამსახურმა 764 აქტივისტი დაასაქმა პოლიტიკური საქმიანობისათვის და ისინი ანაზღაურებას ბიუჯეტიდან იღებდნენ.

 

მსგავსი სიახლეები

"ახალი საქართველო"-ს ტელე არქივი

სოციალური ქსელი

გამოკითხვა

გაუმჯობესდა თუ არა თქვენი ოჯახის ეკონომიკური მდგომარეობა

ვალუტა

  • 2.41
  • 2.62
  • 3.09
  • 0.04
  • 0.67
  • 1.44