"დამეხსენი, ჩრდილოელო!"-ს ეგიდით დღეს სხვადასხვა ღონისძიებები გაიმართება

ორშაბათი, 25 თებერვალი, 2013 - 11:06

არასამთავრობო ორგანიზაციები ოკუპაციის წინააღმდეგ აქციას, სახელწოდებით "დამეხსენი, ჩრდილოელო!" გამართავენ. როგორც ორგანიზატორების მიერ გავრცელებულ განცხადაებაშია ნათქვამი, საქართველოს დეოკუპაციის კამპანიის ფარგლებში, 1921 წლის 25 თებერვალს, საქართველოს საბჭოთა ოკუპაციის თარიღთან დაკავშირებით, არასამთავრობო ორგანიზაციების ეგიდით დღეს შემდეგი  ღონისძიებები გაიმართება.

14:00 საათზე - ყოფილი პარლამენტის შენობის წინ "ქვების აქცია’’. მოქალაქეები ოკუპაციის მსხვერპლთა ხსოვნის პატივსაცემად, სიმბოლურად თითო ქვას მიიტანენ.

16:00-17:00 საათზე -  აქცია რუსეთის საელჩოსთან  ჭავჭავაძის გამზირი # 51.

17:00–20:00 საათზე - საქართველოს ოკუპაციისადმი მიძღვნილი გამოფენა. აგრარული უნივერსიტეტი, დიდი დიღმის საუნივერსიტეტო კამპუსი, დავით აღმაშენებლის მე-13 კილომეტრი.

18:00 საათზე -  "ცისფერ გალერეასთან’’ გაიმართება თეატრალიზირებული აქცია.

17:30-18:30 საათზე - კონფერენცია თემაზე: რამდენიმე ეპიზოდი დამოუკიდებელი საქართველოს ცხოვრებიდან (1918 – 1921) დისკუსია თემაზე ცვლილებები ოკუპაციის შესახებ კანონში. აგრარული უნივერსიტეტი, დიდი დიღმის საუნივერსიტეტო კამპუსი, დავით აღმაშენებლის მე-13 კილომეტრი

18:00 საათზე - საქართველოს ახალგაზრდული პარლამენტის მიერ ორგანიზებული „სანთლების აქცია“ მშვიდობის ხიდზე.

18:00 საათზე -  მოქალაქეები რამდენიმე წუთით შეიკრიბებიან რიყეზე, რათა პატივი მიაგონ 1921 წლის ოკუპაციის მსხვერპლთა ხსოვნას

19:00 საათზე -  შარდენის ბაღში პოპულარული და ახალგაზრდა მუსიკოსები გამართავენ კონცერტს „ჩემი თავისუფლება. არა ოკუპაციას“.

„დამეხსენი, ჩრდილოელო!“ – აკაკი წერეთლის ეს 1886–1889 წლებში დაწერილი ნაკლებად ცნობილი სტროფი გახდა სამოქალაქო კამპანიის ერთიანი მესიჯი, რომელიც საქართველოს ოკუპაციის დღესთან დაკავშირებით 22–25 თებერვალს გაიმართება.

„ვთვლით, რომ დღევანდელი პოლიტიკური მდგომარეობის პირობებში განსაკუთრებით მნიშვნელოვანია საქართველოს ყველა მოქალაქეს შევახსენოთ ჩვენი ქვეყნის ოკუპაციის ისტორია, მკაფიოდ გავაჟღეროდ ოკუპანტის სახელი და საჯაროდ განვაცხადოთ ჩვენი მოქალაქეობრივი პოზიცია ამ პრობლემის მიმართ“,- წერია არასამთავრობოების განცხადებაში.

 

მსგავსი სიახლეები

სოციალური ქსელი

სააკაშვილს სიამოვნებით გავაწნავდი სილას მხოლოდ იმიტომ, რომ მან ქართველების ლიდერობა ირჩია - სულა სულაშვილი იყავით უშიშარნი ვითარცა უხორცო!!! პირველ დარტყმას პირადად მე ავიღებ ჩემს თავზე!!! - სანდრო ბრეგაძე მიდით დაგვარბიეთ და რა ტურასაც დაიჭერთ, მერე ვნახოთ - რამაზ გაგნიძე ამერიკის საელჩოსა და მთავრობას შორის შეთანხმევაზე ავრცელებს ინფორმაციას რამდენი რამის თქმა მსურს იმ ადამიანების გასაგონად, ვისაც ერთხელ მაინც არ ჰქონია განცდა საკუთარი ცოდვისა... - პეტრე კოლხი ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი ივანიშვილის გარეშე დიდხანს ვერ დარჩებიან ხელისუფლებაში, მაგრამ ბევრის გაფუჭებას მოასწრებენ - მამუკა გამყრელიძე

გამოკითხვა

ვის ისურვებდით დედაქალაქის მერად

ვალუტა

  • 2.39
  • 2.8
  • 3.07
  • 0.04
  • 0.68
  • 1.39