შენგენის ქვეყნებში, შესაძლოა, უვიზო მიმოსვლის რეჟიმი ამოქმედდეს

, 24 თებერვალი, 2013 - 13:26

 საქართველოს საგარეო საქმეთა მინისტრ მაია ფანჯიკიძესა და საშინაო საქმეთა საკითხებში ევროკომისარ სესილია მალმსტრომს შორის შეხვედრა 25 თებერვალს გაიმართება. ევროკომისარი ქართულ მხარეს სამოქმედო გეგმას გადასცემს. რომლის შესრულებაც ქართულ მხარეს ევალება.

სამოქმედო გეგმა საქართველო-ევროკავშირის სავიზო დიალოგის წარმართვის საფუძველს წარმოადგენს. საქართველოს მიერ აღნიშნული გეგმის წარმატებით აღსრულების შემთხვევაში, შესაბამისი პოლიტიკური გადაწყვეტილების საფუძველზე, შემოღებული იქნება ევროკავშირის სივრცეში (შენგენის ქვეყნებში) უვიზო მიმოსვლის რეჟიმი. სამოქმედო გეგმა ორი ფაზისგან შედგება და იგი როგორც საკანონმდებლო ცვლილებებს, ასევე ცალკეული მიმართულებებით (დოკუმენტების უსაფრთხოება, საზღვრის მართვა, მიგრაცია, საზოგადოებრივი წესრიგი და უსაფრთხოება, ადამიანის უფლებები) რეფორმების განხორციელებას გულისხმობს. პირველი ფაზის წარმატებით დასრულების შემთხვევაში მოხდება სამოქმედო გეგმის უკვე მეორე - აღსრულების ფაზაში გადასვლა.

ვიზიტის ფარგლებში, სესილია მალმსტრომი საქართველოს პრეზიდენტს, პრემიერ-მინისტრს, შინაგან საქმეთა მინისტრს და ევროპულ და ევროატლანტიკურ სტრუქტურებში საქართველოს ინტეგრაციის საკითხებში სახელმწიფო მინისტრსაც შეხვდება.

მსგავსი სიახლეები

სოციალური ქსელი

გამოკითხვა

ვალუტა

  • 2.73
  • 3.22
  • 3.61
  • 0.05
  • 0.7
  • 1.61